Хаартыска: Виктория Контоева тиксэриитэ.
Халыма-Индигиир уокуругар Ил Түмэн дьокутаата Гаврил Алексеев “Биир ньыгыл Арассыыйа” уопсастыбаннай приемнайыгар быыбардааччыларын кыһалҕаларын кытта билистэ.
Суолталаах тэрээһин туһунан норуот дьокутаатын көмөлөһөөччүтэ Виктория Контоева сырдатта:
— Дьокутааты кытта Халыма-Индигиир уокуругун улуустарыттан сэттэ быыбардааччы көрүстэ. Гаврил Николаевич хас биирдиилэрин кытта сиһилии кэпсэттэ. Муоматтан кэлэ сылдьар Антонина Винокурова «Тэгэлэ эрири, нольтен» оҕо куонкуруһун тэрийээччи быһыытынан сонунун кэпсээтэ, кэккэ санаатын үллэһиннэ. Дьокутаат быыбардааччытын этиилэрин болҕомтоҕо ылла уонна куонкурус кыайыылаахтарыгар бэйэтин бэлэҕин туттаран ыытта.
Абый улууһун Майыар национальнай нэһилиэгин баһылыга Иван Атласов Үп министиэристибэтин кытта үлэлэһиигэ кэккэ боппуруостары билиһиннэрдэ, ДЭС тутуутугар тутуу матырыйаалын тиэрдиигэ көмөлөһөрүгэр көрдөстө.
Гаврил Алексеев Арктическай кэллиэс салайааччыта Татьяна Хамаганованы кытта ыраах сытар улуустарга энергетиктэри бэлэмнээһиҥҥэ бииргэ үлэлээһин боппуруостарын дьүүллэстэ. Норуот дьокутаата “Якутскэнерго” тэрилтэтэ кэллиэс материальнай-тиэхиньиичэскэй баазатын тэрийиигэ уонна устудьуоннары бэлэмнээһиҥҥэ анал идэлээх исписэлиистэринэн көмөлөһүөх буолла.
Дьокуускай олохтооҕо Людмила Немыкина Дьокуускай куорат Петр Алексеев уулуссатын 16 №-гэр баар уопсай дьиэ 3-с мэндиэмэнигэр хостелга бэрээдэги тутуһуу туһунан боппуруоһу туруоруста. Үҥсүү чэрчитинэн норуот дьокутаата Гаврил Алексеев борокуратуураҕа тустаах сурук бэлэмниэҕэ.
Байыаннай дьайыы кыттыылааҕын ийэтэ Наталья Федорова дьиэтэ гаас турбатыгар холбонор үлэтин түргэтэтэргэ көрдөстө. Бу боппуруоһунан дьокутаат «Сахатранснефтгаз» хампаанньаны кытта үлэлэһиэҕэ.
Ити курдук, норуот дьокутаата Гаврил Алексеев быыбардааччыларын бары боппуруостарын бэйэтин хонтуруолугар ылла.
Хаҥалас улууһун Мохсоҕоллоох бөһүөлэгэр бойобуой дьайыылар, локальнай сэриилэр, байыаннай дьайыы бэтэрээннэригэр анаммыт стела үөрүүлээх быһыыга-майгыга…
Тымныы түһэрин кытта гараастарга баһаар ахсаана элбиир. Аҥардас алтынньы саҕаланыаҕыттан Саха сиригэр 16 уот турбута…
2025 сыл үс кыбаарталын түмүгүнэн энергетиктар өрөспүүбүлүкэ Арбитражнай суутугар 662 мөлүйүөн солкуобайтан тахса суумалаах 502…
Алтынньы 19 күнүгэр Сахабыт сиригэр Ийэ күнэ бэлиэтэнэр. Ийэ күнүн көрсө киин куораппытыгар элбэх кэнсиэртэр…
Өлөөн улууһугар бэҕэһээ бөртөлүөт көтөн, сүппүт табалары булууга көмөлөстө. Бүгүн “Өлөөн” МУП зоотехнига Марина Николаева…
Саха сиригэр дьон үксэ ипэтиэкэ көмөтүнэн дьиэ-уот оҥостор. Соторутааҕыта “Тыа сирин ипэтиэкэтэ” (“Сельская ипотека”) диэн …