Хаартыска: Виктория Контоева тиксэриитэ.
Ил Түмэн дьокутаата Гаврил Алексеев ситэриилээх былаас отчуотун чэрчитинэн Орто Халыма улууһун олохтоохторун көрсөн кэллэ.
Норуот дьокутаата Налимскай, Сылгы Ыытар, Ойуһардаах, Березовка нэһилиэктэригэр уонна Орто Халыма куоратыгар сырытта.
— Ыраах арктическай улуус олохтоохторо «Мобильнай быраас» бырайыак чэрчитинэн хотугу сир олохтоохторун доруобуйаларын бэрэбиэркэлиир үлэ тэтимнээхтик ыытылларын, хаарбах туруктаах дьиэлэртэн көһөрүү, Арктикаҕа атыы-эргиэн уонна логистика кииннэрин ситимин тэрийии, улууска ойуур баһаарын кэмигэр умулларыы курдук үлэни бырабыыталыстыба олохтоохтук тэрийэн ыытарын анаан бэлиэтээтилэр.
Итини тэҥэ кыһалҕалаах боппуруос эмиэ үгүс. Ол курдук, субсидиялаах авиабилиэт тиийбэтин, эргэ социальнай эбийиэк элбэҕин, уматык сыаната үрдүгүн туһунан дьон санаатын тиэртэ. Кэрэхсэбиллээҕэ баар, киин сиртэн ыраах сытар улуус олохтоохторо култуурунай олоҕу улаханнык сэргииллэр. Кинилэр култуура диэйэтэллэрэ хоту дойду дьонун сэргэхсэтэллэригэр, сахалыы тыыннаах айар куттаах артыыстар айаннарын сөргүтэргэ көрдөһөллөр, — диэн санаатын үллэһиннэ Ил Түмэн дьокутаата Гаврил Алексеев.
Орто Халыма улууһугар сылдьан, дьокутаат тыыл бэтэрээннэрин кэлэн иһэр Улуу Кыайыы 80 сылынан эҕэрдэлээтэ уонна бэйэтин бэлэҕин туттарда. Дьокутаат сирэй көрсүбэтэх бэтэрээннэригэр бэлэҕин кини кэллиэгэлэрэ тиэрдэллэригэр көрдөстө. Ил Түмэн дьокутаата Гаврил Алексеев аатыттан ас-үөл набора бэлэх Халыма-Индигиир уокуругар олорор бары тыыл бэтэрээннэригэр тиэрдиллиэҕэ.
Кулун тутар 11 күнүттэн дьокутаат аны Үөһээ Халыма оройуонугар, онтон Өймөкөөн улууһугар айанныаҕа. Онно Гаврил Алексеев олохтоох дьаһалта үлэһиттэрин уонна быыбардааччылары кытта көрсөн, быйылгы сылга бииргэ үлэлээһин хайысхаларын торумнуоҕа.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…