Ил Түмэн дьокутаата Олег Марков дьону кытта көрүстэ

Ил Түмэн дьокутаата Олег Марков бүгүн Уопсастыбаннай палаатаҕа «Биир ньыгыл Арассыыйа» баартыйа приемнайыгар дьону кытта көрүстэ.

Бу туһунан Олег Марков санаатын маннык үллэһиннэ:

— Бүгүҥҥү көрсүһүүгэ араас ис хоһоонноох этиилэрдээх дьон кэлэ сырыттылар.Ол курдук, Томмоттон төрүттээх Дьокуускай куоракка олорор Виктория Волкова төрөөбүт куоратын хаарбах туруктаах дьиэлэрин, саҥа тутуллар дьиэ хаачыстыбатын туһунан иһитиннэрэн туран, кэккэ этиини киллэрдэ.

Бу көрсүһүү түмүгүнэн тустаах тэрилтэлэр салайааччыларын кытта кэпсэтиэм, сүбэлэһиэм.  Үлэ уонна успуорт бэтэрээнэ Степан Кузьминов киирэн эмиэ бэйэтин санаатын атастаста.

Бу маннык дьону кытта сирэй көрсөн кэпсэтии олус туһалаах, дьокутаат үлэтин эппиэтинэһин үрдэтэр.