Ил Түмэн пресс-сулууспатыттан
Ил Түмэн спикерэ Алексей Еремеев салайааччылаах норуот дьокутааттарын оробуочай бөлөҕө киин, илин эҥэр уонна Дьааҥы бөлөх улуустарын кэннилэриттэн салгыы Бүлүү бөлөххө олохтоох бэйэни салайыныыга саҥа сокуону уонна тыа хаһаайыстыбатыгар киирбит мэхэнньиисимнэри ырыта, дьүүллэһэ тиийдэ.
Ол курдук, норуот дьокутааттарын бөлөҕө – Ил Түмэн Судаарыстыбаннай Мунньаҕын спикерэ Алексей Еремеев, сис кэмитиэттэр бэрэссэдээтэллэрэ Александр Атласов, Владимир Прокопьев – муус устар 9 күнүгэр Үөһээ Бүлүүгэ үлэтин саҕалаата. Сыал-сорук – тыа хаһаайыстыбатынан утумнаахтык дьарыктанар үлэ дьонун кытта аһаҕастык кэпсэтии, үлэ хаамыытыгар харгыстыыр тыын кыһалҕалары миэстэтигэр көрүү-истии, тыа хаһаайыстыбатын сорох боломуочуйалара улуустарга бэриллибитинэн киириэхтээх мэхэнньиисимнэр тустарынан саҥа сокуон олоххо киириитин, инники соруктары дьүүллэһии.
Ил Түмэн спикерэ Алексей Еремеев, сис кэмитиэттэр бэрэссэдээтэллэрэ нэһилиэнньэни кытта көрсөн дьаһалтаҕа 10 чаастан мунньахтара саҕаланна. Быйылгыттан аһы-үөлү оҥоруу сүрүн хайысхаларын улуустар бэйэлэрэ быһааралларыгар боломуочуйа бэриллибитинэн сибээстээн киирбит мэхэнньиисимнэр тустарынан, саҥа сокуон олоххо киириитин тула дьүүллэһиэхтэрэ.
Кэпсэтиигэ тыа хаһаайыстыбатын салаатын өйүүргэ ханнык хайысхалары сайыннарар тоҕоостооҕун, сайдыыны харгыстыыр кыһалҕалары, бородууксуйаны батарыы, миэстэтигэр оҥорон таһаарыы, сир боппуруостарын о.д.а. ырытыахтара, санаа атастаһыахтара. Нэһилиэк баһылыктара, тыа хаһаайыстыбатын кэпэрэтииптэрин уонна бааһынай хаһаайыстыбаларын салайааччылара, бу салаа исписсэлиистэрэ атах тэпсэн олорон дьокутааттарга долгутар ыйытыыларын биэриэхтэрэ, хоруйдарын истиэхтэрэ.
Күн устата улуус тутаах хаһаайыстыбаларын көрүөхтэрэ, оройуон устуоруйатын билсэр эбийиэктэргэ сылдьыахтара. Санатан эттэххэ, быйыл Үөһээ Бүлүү оройуона төрүттэммитэ 90 сыла.
Ил Түмэн пресс-сулууспата
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…