Ааптар хаартыскаҕа түһэриитэ
Бүгүн, кулун тутар 3 күнүгэр, Чурапчы улууһун дьаһалтатын мунньахтыыр саалатыгар бу улуустан Ил Түмэн дьокутааттара Михаил Гуляев, Павел Пинигин, Семен Никитин 2022 сыллааҕы үлэлэрин отчуоттаатылар.
Улуус, нэһилиэк дьаһалталарыттан, Чурапчы улууһун, Чурапчы нэһилиэктэрин дьокутааттара сырыттылар. Отчуот онлайн сибээһинэн нэһилиэнньэҕэ көрдөрүлүннэ. Отчуоттуур мунньаҕы Чурапчы нэһилиэгин баһылыга Владимир Сивцев салайан ыытта.
Михаил Гуляев Ил Түмэҥҥэ Ыччат бэлиитикэтигэр, физическэй култуураҕа уонна успуорка сис кэмитиэт бэрэссэдээтэлэ. Кини бэйэтин отчуоттуур этиитигэр дьокутааттар үлэлэрин билиһиннэрдэ, сокуоннарга көннөрүүлэри, уларыйыылары ханнык төрүккэ олоҕуран оҥороллорун кэпсээтэ. Салайар кэмитиэтин үлэтин, чуолаан Чурачы улууһугар сыһыаннаах боппуруостарга үлэлэһиилэрин эттэ.
Семен Никитин Тыа сиригэр, аграрнай бэлиитикэҕэ уонна доруобуйа харыстабылыгар, дьарыктаах буолууга сис кэмитиэттэригэр чилиэн. Кини бу кэмитиэттэр үлэлэрин билиһиннэрдэ. Бэйэтэ Чурапчыга олорорунан дьокутаат быһыытынан үлэтин толоро элбэх мунньахха сылдьарын, тэрилтэлэргэ көмөлөһөрүн эттэ.
Павел Пинигин Хотугу норуоттар боппуруостарыгар уонна Арктика дьыалаларыгар сис кэмитиэт чилиэнэ. Кини бу хайысхаҕа ханнык үлэлэр барбыттарын билиһиннэрдэ. Үлэлэһэр атын кэмтиэттэргэ кыттыытын эттэ.
Дьокутааттарга ыйытыылар киирэн эппиэттэннилэр. Кэпсэтиигэ кыттыбыт дьон Ил Түмэн дьокутааттара сокуону оҥорууга, олоххо киллэриигэ актыыбынайдык үлэлээбиттэрин, Чурапчы туһугар үһүөн биир санаалаахтык араас боппуруостары туруорсан улуус сайдыытыгар улахан кылааттарын киллэрбиттэрин бэлиэтээтилэр. Ыарахан иитиилээх оҕолору реабилитациялыыр киин базатын хаҥатыыга, Лена -Туора Күөл водоводун үлэлэтиигэ, ыччат эт-хаан өттүнэн сайдарыгар дыбарыаһы (муустаах) туттарыыга, улуус киинигэр военкомат баар буолуутугар, о. д. а. санааларын үллэһиннилэр.
Алексей Слепцов,
Чурапчы.
Сыл түмүгүнэн үтүө үгэһинэн, сылын ахсын Оһуокай ыһыаҕа ыытыллар. Быйылгы Оһуокай ыһыаҕа от ыйын 12…
Дьокуускайга Аҕа дойду Улуу сэриитин бэтэрээнэ Петр Константинович Яковлев 100 сааһын туолуутун үөрүүлээх быһыыга-майгыга чиэстээтилэр.…
Хаһаайыстыбаннай мыыла туһата элбэх эбит. Аҥардас таҥас сууйарга эрэ буолбакка, хаһаайыстыбаҕа барытыгар туһаныахха сөп эбит.…
Арассыыйа Бэрэсидьиэнэ Владимир Путин байыаннай таҥас кэтиитигэр уларыйыы киллэрэр туһунан Ыйаахха илии баттаата. Докумуон быраап…
Таатта улууһугар Ытык Күөлгэ ыытыллыбыт күрэс төрүт көрүҥнэригэр XXII “Манчаары оонньууларын” уопсай хамаанданан түмүктэрэ билиннэ. …
От ыйын 10 күнүгэр XXII-с Манчаары оонньууларын чэрчитинэн Д.К. Сивцев-Суорун Омоллоон аатынан Чөркөөх түмэлигэр «Манчаары…