Ил Түмэн миниистирдэри анааһыҥҥа сөбүлэһэрин биллэрдэ

Бүгүн, алтынньы 4 күнүгэр, Ил Дархан Айсен Николаев Саха Өрөспүүбүлүкэтин миниистирдэрин дуоһунастарыгар кандидаттары билиһиннэрдэ.

Ил Дархан Айсен Николаев Петр Иванович Попову экэниэмикэ миниистирин, Павел Николаевич Багынановы баай-дуол уонна сир сыһыаннаһыыларыгар миниистирин, Гаврил Витальевич Кириллини тас сибээстэһиилэргэ уонна норуоттар дьыалаларыгар миниистирин, Артем Александрович Александрову тыа хаһаайыстыбатын уонна продовольственнай бэлиитикэ миниистирин дуоһунастарыгар анааһыны өйүүллэригэр көрдөстө.

Кистэлэҥ куоластааһын түмүгүнэн норуот дьокутааттара Ил Дархан киллэрбит кандидатураларын өйөөннөр, элбэх куолаһы биэрэннэр, сөбүлэһэллэрин биллэрдилэр.