Хаартыска: Ил Түмэн пресс-сулууспата
СӨ Судаарыстыбаннай Мунньаҕа (Ил Түмэн) пленарнай мунньаҕар Ил Дархан Айсен Николаев оҥорон таһаарыыны сайыннарар сир-уот резиденнэригэр нолуок намтатыллыбыт ставкатын туһунан сокуоҥҥа көҕүлээһинин өйөөтө.
“Саха Өрөспүүбүлүкэтигэр олохтоох оҥорон таһаарыыны сайыннарар сир-уот туһунан” сокуон 2023 сыл от ыйын 3 күнүттэн үлэлиир. Намтатыллыбыт нолуок ставкаларын туһунан сокуон барыла парламент көрүүтүгэр киллэриллибитэ. Тыа хаһаайыстыбатын биир кэлим нолуогунан ставканы бастакы 5 сылга 1% диэри, кэлэр 5 сылга 3% диэри намтаталлар. Ону сэргэ тустаах статуһу ылбыт кэнниттэн 5 сылга тырааныспар нолуогун төлөөһүнтэн босхолонуохтарын сөп.
Урут Ил Дархан Айсен Николаев өрөспүүбүлүкэҕэ олохтоох оҥорон таһаарыыны сайыннарар 15-тэн итэҕэһэ суох сири-уоту тэрийии былааннанарын туһунан иһитиннэрбитэ. Урбааны өйөөһүн бу механизмын көмөтүнэн 2029 сылга олохтоох бородууксуйаны оҥорууну 25% элбэтии былааннанар.
Билигин өрөспүүбүлүкэ Экэниэмикэҕэ министиэристибэтин көрүүтүгэр олохтоох оҥорон таһаарыыны сайыннарар сир-уот туһунан Горнай улууһун дьаһалтатын (Бэрдьигэстээх, Одуну, Октябрьскай, Кировскай, Мытаах нэһилиэктэрэ) этиитэ киирдэ. Ону сэргэ муниципальнай тэриллиилэр интэриэстэрэ улааппытын учуоттаан, Чурапчы, Нам, Мииринэй уонна Алдан улуустарыгар олохтоох оҥорон таһаарыыны сайыннарар сири-уоту тэрийэр туһунан этиилэрэ көрүллэллэр.
2023 сыл бүтүөр диэри олохтоох бэйэни сайыннарыы 2 сирэ-уота тэриллэрэ былааннанар.
СӨ Ил Дарханын уонна бырабыыталыстыбатын пресс-сулууспата
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…
Ил Дархан Туһаайан этиитигэр эппитинэн, Култуура сылыгар Муусука үрдүкү оскуолата уонна Арктикатааҕы эпос, ускуустуба киинэ…