Ил Түмэн пленарнай мунньаҕар 33 боппуруос көрүллүөҕэ

Ил Түмэн ахсыс  (уочараттаах)  пленарнай мунньаҕа бэс ыйын 13-14  күннэригэр ыытылларын туһунан парламент спикерэ Алексей Еремеев дьаһалынан бигэргэммитэ.

Пленарнай мунньахха уопсайа 33 боппуруос көрүллүөҕэ. Бү күннэргэ норуот дьокутааттара Саха сирин Бырабыыталыстыбатын үлэтин-хамнаһын түмүктэрин, ол иһигэр Ил Түмэн туруорбут боппуруостарынан Ил Дархан 2023 сыллааҕы отчуота, Счетнай балаата аудиторын солотугар аныыр туһунан, мировой судьуйалар дуоһунастарын талар туһунан, Аҕыйах ахсааннаах төрүт олохтоох хотугу норуоттар бырааптарыгар боломуочунайа уонна Урбаанньыттар бырааптарын көмүскүүр боломуочунайа 2023 сыллааҕы отчуоттара, 2023 сыллааҕы өрөспүүбүлүкэ бүддьүөтүн туолуутун отчуота, сүөһүнү иитиини уонна племенной дьыаланы сайыннарыы кэскиллээх былаанын туһунан тиэмэҕэ парламент истиитин сүбэлэрэ, Арктикаҕа тырааныспар тоҕоостоох сырыытыгар быһаарар ньымаларга парламент истиитин сүбэлэрин туһунан, арыгы атыытыгар, уопсастыбаннай сирдэргэ табах тардыытыгар эбии хааччахтары кииллэрии туһунан, о.д.а. боппуруостары дьүүллэһиэхтэрэ.

Мунньах бэбиэскэтин бу сигэнэн киирэн билсиэххэ сөп.