Ил Түмэн пленарнай мунньаҕар 42 боппуруос көрүллүөҕэ

Ил Түмэн 11-с (уочараттаах) пленарнай мунньаҕар бэбиэскэнэн 42 боппуруос көрүллэрэ былааннанар. Пленарнай мунньах бүгүн, олунньу 26 күнүгэр, олохтоох бириэмэнэн сарсыарда 10.00 чаастан саҕаланар. Бу туһунан Ил Түмэн саайта суруйар.

Норуот дьокутааттара  Анаабыр, Дьааҥы, Ньурба, Мииринэй, Хаҥалас оройуоннарын мөрөбүөй судьуйаларын хандьыдааттарын талыахтара. Саха сирин парламенын 11-с уочараттаах мунньаҕар ИДьМ сулууспатын 2024 сыллааҕы отчуотун дьүүллэһиэхтэрэ. Ону таһынан Аҕа дойду Улуу сэриитин бэтэрээннэрин, инбэлииттэрин, огдооболорун, концлааҕыр хаайыылаахтарын, Ленинград блокадатын олохтоохторун, тыыл бэтэрээннэрин, сэрии оҕолорун өйөбүллэрин туһунан бырабыыталыстыба чааһа ыытыллыаҕа.

Судаарыстыбаннай ыччат бэлиитикэтин, «Дьиэ кэргэн» ийэ хапытаалын, ыйдааҕы босуобуйа, суол пуондата, административнай сокуону кэһии, судаарыстыбаннай наҕараада, о.д.а. туһунан сокуон барыллара көрүллүөхтэрэ. Бу туһунан Ил Түмэн пресс-сулууспата иһитиннэрэр.

Пленарнай мунньах бэбиэскэтин бу сигэнэн билсиэххэ сөп: https://www.iltumen.ru/sessions/plenary/82/questions. Ону кытта быһа эпиир бу сигэнэн ыытыллыаҕа: https://plvideo.ru/watch?v=UQzoP6EMQthp