Ил Түмэн сэттис ыҥырыылаах мунньаҕын бэһис пленарнай мунньаҕа саҕаланна

Бүгүн, олунньу 28 күнүгэр, сарсыарда 10 чаастан бу сылга бастакы Ил Түмэн сэттис ыҥырыылаах мунньаҕын бэһис (уочараттаах) пленарнай мунньаҕа саҕаланна. Бэбиэскэнэн 47 боппуруоһу көрүөхтэрэ.

Кыттыыны СӨ Бырабыыталыстыбатын бэрэссэдээтэлэ Кирил Бычков, Ис Дьыала миниистирэ, полиция генерал-лейтенана Владимир Прокопенко, Үлэҕэ уонна социальнай сайдыыга миниистирэ Елена Волкова, Үп миниистирин э.т. Валерий Жондоров, Тыа хаһаайыстыбатын миниистирэ Артем Александров, Экология, айылҕа баайын уонна ойуур хаһаайыстыбатын миниистирэ Евгений Перфильев, Баайга-дуолга уонна сир сыһыаннаһыыларыгар миниистирэ Павел Багынанов, нэһилиэк баһылыктара, о.д.а. уонна ыҥырыылаах ыалдьыттар ылаллар.

Икки күннээх мунньахха   норуот дьокутааттара Алдан, Үөһээ Халыма, Мииринэй улуустарыгар мөрөбүөй судьуйалары талыы, СӨ Судьуйалар квалификационнай кэллиэгийэтин уопсастыбаннас бэрэстэбиитэлэ Альбина Степанова болдьоҕун иннинэ  боломуочуйатыттан тохтотууну, СӨ ИДьМ уорганнарын 2023 сыллааҕы үлэтин отчуотун, мөрөбүөй судьуйалар дуоһунастарын уонна суут учаастактарын, СӨ официальнай бэлиэлэрин, босхо юридическай өҥөлөрү оҥоруу, СӨ уопсастыбаннай балаататын, олохтоох салайыныы, нэһилиэнньэ доруобуйатын харыстабылын, дьүкээгир суктуулун сокуоннарыгар уларытыылары киллэрии, СӨ Ил Дархана Ил Түмэҥҥэ туһаайан этиитинэн сорудахтары толоруу, Ньурба улууһун икки нэһилиэгэр арыгы атыытын бобуу, тыа хаһаайыстыбатын өйөөһүҥҥэ ынах сүөһэ төбөтүгэр субвенция нуормалыыр кээмэйин үрдэтии, о.д.а. боппуруостары көрүөхтэрэ.

Быһа эпиир: