Чурапчы оройуонун Хадаар сэлиэнньэтигэр Судаарыстыбаннай Мунньах (Ил Түмэн) Бэрэссэдээтэлэ Алексей Еремеев Анна Дмитриевна уонна Афанасий Николаевич Мордускиннарга сырытта. Кинилэр уоллара Николай Афанасьевич байыаннай дьайыы зонатыгар сылдьар диэн, Ил Түмэн пресс-сулууспата иһитиннэрэр.
Мордускиннар алта оҕолоохтор: түөрт уоллаахтар уонна икки кыыстаахтар. Кинилэртэн биэс оҕо бэйэлэрэ ыал дьон. Николай Афанасьевич — иккис оҕо. Кини эмиэ туспа олорбута ыраатта.
Мордускиннар Ил Түмэн спикеригэр олохторун-дьаһахтарын туһунан кэпсээтилэр. Ыал аҕа баһылыга Афанасий Николаевич — суоппар, Анна Дмитриевна — биэнсийэлээх. Кэтэх хаһаайыстыбаларыгар 16 ынахтаахтар, үрүҥ илгэни туттаран, Тыа хаһаайыстыбатын министиэристибэтиттэн уонна оройуонтан төлөбүр ылаллар.
Алексей Еремеев Саха сирин баһылыгын ыйааҕынан быстах хомуурга сылдьар дьон дьиэ кэргэнэ ылар 200 тыһыынча солкуобайын ылыы олоххо киириитин хонтуруоллаата. Николай дьиэ кэргэнэ бу үбү сэтинньи 7 күнүгэр ылбыт. Муниципалитет нөҥүө атын төлөбүрдэр эмиэ бааллара.
Санаттахха, бу ыйааҕы Саха сирин Ил Дархана Айсен Николаев бу сыл балаҕан ыйыгар илии баттаабыта. Ыйаах тиэксигэр олоҕуран, 200 тыһыынча солкуобай биир кэмнээх төлөбүрү таһынан өйөбүл кэккэ миэрэлэрэ көрүллэр. Чуолаан, уһуйаан төлөбүрүттэн босхолоноллор. Үөрэх тэрилтэлэригэр байыастар оҕолоро босхо аһыахтаахтар. Устудьуоннарга үрдэтиллибит истипиэндьийэ көрүллүөхтээх. Төрөппүттэрэ санаторийга, куруорка сынньаныахтаахтар.
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…