Ил Түмэн XXXIX уочараттаах пленарнай мунньаҕа бүгүҥҥүттэн саҕаланна.
Өрөспүүбүлүкэ дьокутааттара уочараттаах пленарнай мунньахтарыгар Дьокуускайга муһуннулар. Алтынньы 25-26 күннэригэр буолар мунньах дьүүлүгэр 44 кэриҥэ боппуруос киирдэ диэн Судаарыстыбаннай Мунньах пресс-сулууспата иһитиннэрэр. Дьокутааттар мунньахтарыттан сонуннары быһа эпииринэн парламент youtube ханаалынан эбэтэр парламент анал сайтыгар киирэн көрүөххэ, истиэххэ сөп.
Бастатан туран, дьокутааттар саҥа ананар каадырдарга быһаарыы ылыныахтара. Ол курдук, өрөспүүбүлүкэ дьокутаатын мандаатыгар тахсыбыт аһаҕас миэстэҕэ ЛДПР баартыйа Саха сиринээҕи салаатын испииһэгиттэн Александр Телевицкэйгэ өрөспүүбүлүкэ дьокутаатын боломуочуйатын сүктэриигэ, Аллайыаха улууһун 4 №-дээх, Дьааҥы улууһун 10 №-дээх, Мииринэй улууһун 50 №-дээх, Мэҥэ Хаҥалас улууһун 53 №-дээх, Дьокуускай куорат 63 №-дээх уонна Алдан улууһун 52 №-дээх сууттарын учаастактарыгар мировой судьуйа дуоһунастарыгар хандьыдааттары бигэргэтэр быһаарыылары ылыныахтара.
Салгыы кинилэр өрөспүүбүлүкэ эһиилги бүддьүөтүн кээмэйин, нолуокка уларытыылары киллэриигэ Ил Дархан көҕүлээбит этиилэрэ, убатыллыбыт гааска, уокка чэпчэтиилээх тарыыптары, судаарыстыбаннай бас билиини учуоттааһыны, тыа хаһаайыстыбатын сайыннарыыны, нэһилиэнньэ доруобуйатын харыстааһыны, ыраас иһэр уунан хааччыйыыны, нэһилиэнньэни, олорор сири-уоту айылҕа быһылааннарыттан уонна техногеннай кутталтан көмүскүүр туһунан сокуоҥҥа уларытыылары киллэриини уо.д.а. ырытан ылыныахтара.
Василий Кононов хаартыскаҕа түһэриитэ
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Erid: 2SDnjdhGTzX ПСБ биир кэлим счекка ханнык баҕарар социальнай төлөбүрдэри суһаллык ыларга анаан, олус…
Ахсынньы 17-19 күннэригэр Муниципальнай тэриллиилэр бэрэстэбиитэллээх уорганнарын дьокутааттарын III сийиэһигэр бары улуустартан, нэһилиэктэртэн 500-чэкэ дьокутаат…
Ааспыт нэдиэлэ иһигэр өрөспүүбүлүкэ 6 олохтооҕо түөкүттэр албыннарыгар киирэн биэрэн, уопсайа 1 840 037 солкуобайы…
РФ Бэрэсидьиэнэ Владимир Путин Административнай кэһиилэр тустарынан кодексатыгар уларытыылары киллэрэр уонна байыаннай комиссариакка көспүтүҥ туһунан…
Судаарыстыбаннай Дуума дьокутаата Игорь Антропенко оскуолаларынан оҕолорго Сэбиэскэй кэминээҕи Саҥа дьыллааҕы остуоруйалары көрдөрөр туһунан этии…