Ил Түмэҥҥэ Арктика зонатыгар Инвестиционнай бырагыраама үлэтин хаамыытын дьүүллэстилэр

Бүгүн Ил Түмэҥҥэ Елена Голомарева салайыытынан өрөспүүбүлүкэҕэ Арктика зонатыгар Инвестиционнай бырагыраама олоххо киириитин туһунан дьүүлэстилэр. Бу туһунан Ил Түмэн пресс-сулууспата иһитиннэрэр.

СӨ Суоттуур балаататын аудитора Октябрина Никонова бүтүн Арктика зонатыгар архитектура уонна хапытаалынай тутуу хаарбах дьиэттэн көһөрүү, оптоволоконнай сибээс лииньийэтин тардыы, эдэр табаһыттарга олорор дьиэни атыылаһалларыгар, тутталларыгар социальнай төлөбүрү оҥоруу уо.д.а. эйгэҕэ судаарыстыбаннай бэлиитикэ сыһыаннаах экспертнай-аналитическай тэрээһиннэр түмүктэрин отчуотун билиһиннэрдэ.

Ону тэҥэ, «Хотугу дьиэ табатын иитии» СӨ сокуонугар уларытыылары киллэрэргэ биэдэмистибэлэр икки ардыларынааҕы оробуочай бөлөҕү тэрийии уонна «Булчуттары хааччыйар, атыылыыр пууннар тустарынан»  сокуон бырайыагын оҥорорго биэдэмистибэлэр икки ардыларынааҕы оробуочай бөлөх састаабыгар уларытыылары киллэрии туһунан дьүүллэстилэр.