Ил Түмэҥҥэ «Боотур» этэрээт байыастарын чиэстээтилэр

Бүгүн, олунньу 23 күнүгэр, Саха сирин парламеныгар байыаннай дьайыы кыттыылаахтарыгар судаарыстыбаннай наҕараадалары туттарыы үөрүүлээх сиэрэ-туома буолла.

Үөрүүлээх тэрээһини парламент спикерэ Алексей Еремеев салайда. Ону кытта мунньахха «За отечество» Саха сиринээҕи байыаннай дьайыы бэтээрээннэрин ассоциациятын бэрэссэдээтэлэ Иван Черкашин уонна «Барс 2» батальон хамандыыра Василий Егоров кытыннылар.

Алексей Еремеев парламент дьиэтигэр хорсуннарын, эр санаалаахтарын көрдөрбүт байыастарга судаарыстыбаннай наҕараадалары туттарыы ураты түгэн буоларын бэлиэтээтэ.

«Эһиги судаарыстыба интэриэһин уонна национальнай сыалларын көмүскүүгүт — ити барыта саарбахтаммат», — диэн спикер байыастарга туһаайан эттэ. Кини байыастар дьиэ кэргэттэригэр өрөспүүбүлүкэ туох кыалларынан барытынан өйүүрүн уонна инникитин судаарыстыбаннай бүддьүөт ылыныытыгар учуоттаныахтааҕын эрэннэрдэ. Байыастарга кытаанах доруобуйаны, этэҥҥэ буолууну уонна эйэни баҕарда.

«Боотур» этэрээттэн Арассыыйа Бэрэсидьиэни ыйааҕынан, хорсун быһыытын, бэриниилээх буолуутун, байыаннай дьайыы хонуутугар хорсун быһыыларын көрдөрбүт байыастар «Хорсун быһыы» уордьанынан  наҕараадаланнылар: ефрейтор, рота хамандыыра Петр Катакинов, рядовой, сапер Лука Сафонов уонна ефрейтор, пулеметчик Леонид Степанов. Байыаннай дьайыыга хорсун быһыытын иһин  «За заслуги перед Отечеством» II истиэпэннээх уордьан мэтээлинэн  рядовой, стрелок Владимир Никитин, «За отвагу» мэтээлинэн рядовой, пулеметчик Афанасий Аммосов, старшай матрос, БПЛА оператора Афанасий Колодезников, рядовой, пулеметчик Павел Максимов, рядовой Роберт Олесов, сержант, стрелок Семен Павлов, рядовой, взвод хамандыыра Айал Петров, рядовой, снайпер Станислав Петров, рядовой, сапер Александр Федотов, рядовой, пулеметчик Егор Чемезов,  «За храбрость» II истиэпэннээх мэтээлинэн рядовой,  гранатомётчик көмөлөһөөччүтэ Егор Иванов, рядовой, стрелок Виталий Мордовской, младшай сержант, пулеметчик Вячеслав Ноговицын, сержант, стрелок Эдуард Тихонов, рядовой, сибээс отделениетын хамандыыра Александр Мясоедов, «Лука Крымский» мэтээлинэн рядовой, санитар-стрелок Айсен Скрябин наҕаарадаланнылар.