Дьокуускай куоракка биллэр-көстөр сэбиэскэй судаарыстыбаннай уонна бэлитиичэскэй диэйэтэл Николай Николаевич Окоемов төрөөбүтэ 125 сылын түмүктүүр үөрүүлээх мунньах буолан ааста.
Ил Дархан Айсен Николаев ыйааҕынан үбүлүөйдээх тэрээһиннэри ыытыыга кэмитиэт тэриллибитэ. «Бары тэрээһиннэр Николай Окоемов биир дойдулаахтарын – Уус Алдан улууһун Курбуһах нэһилиэгин олохтоохторун санааларын учуоттаан ыытыллыбыта. Кинилэр сүүс сыл өтө көрөн үлэлээбит-хамсаабыт үтүө киһи аатын үйэтитэргэ ыҥырбыттара», – диэн тэрийэр кэмитиэт бэрэссэдээтэлэ, Бырабыыталыстыба Бэрэссэдээтэлин солбуйааччы Сергей Местников кэпсээтэ.
Ол курдук, нэһилиэк инфраструктуратын эбийиэктэрэ өрөмүөннэннэ, модульнай быраас амбулаторията тутулунна. 50 миэстэлээх «Чуораанчык» диэн саҥа оҕо саада тутулла турар. Чугастааҕы сылга итиинэн хааччыйыы уонна суолу тутуу былааннанар. Үөрэнээччилэргэ, устудьуоннарга, эдэр учуонайдарга өрөспүүбүлүкэтээҕи научнай-практическай кэмпириэнсийэ ыытылынна, докумуоннар уонна матырыйааллар хомуурунньуктара электроннай тиһиккэ киирдэ, альбом-кинигэ таҕыста, документальнай киинэ уһулунна, о.д.а. тэрээһин барда.
Сергей Местников «Саха АССР 100 сыла» үбүлүөйдээх мэтээли үлэ бэтэрээнэ Гаврил Васильевка уонна Уус Алданнааҕы ОДьКХ Курбуһахтааҕы учаастагын начаалынньыга Семен Протопоповка туттарда. Итини тэҥэ Курбуһах орто оскуолатын кэллэктиибэ, Уус Алдан киин бибилэтиэкэтин тиһигэ уонна «Офсет» рекламнай-информационнай киинэ СӨ Бырабыыталыстыбатын бэрэссэдээтэлин солбуйааччытын Махтал суругунан бэлиэтэннилэр.
Николай Николаевич Окоемов – 1931-1938 сс. ВКП (б) Саха обкомун иккис сэкирэтээрэ, ССРС Үрдүкү Сэбиэтин бастакы ыҥырыылаах дьокутаата, ВКП (б) XVII сийиэһин дэлэгээтэ.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…