Ил Түмэн пресс-сулууспатын хаартыската.
СӨ парламеныгар ыытыллыбыт «төгүрүк» остуолга «Пути великих свершений» бырайыак эспэдииссийэтин түмүктэрин таһаардылар. Эспэдииссийэ Охотскайынан, Бодойбонон уонна Нельканынан айаннаабыта. Тэрээһини парламент вице-спикерэ Афанасий Владимиров иилээн-саҕалаан ыытта. Кини бу эспэдииссийэ Уһук Илиҥҥэ историческай суолталааҕын, инникини сабаҕалыырга дьоһуннааҕын бэлиэтээтэ диэн Ил Түмэн пресс-сулууспата суруйар.
«Төгүрүк» остуол сүрүн дакылаатчытынан «Пути великих свершений» бырайыак салайааччыта Георгий Никонов буолла. Кини тырааныспар биир кэлим инфраструктуратын оҥоруу, ол иһигэр историческай суолтатын учуоттуохха наада диэн кэпсээтэ.
Тэрээһиҥҥэ М.К.Аммосов аатынан Хотугулуу-Илиҥҥи федеральнай университет историческай факультетын дассыана Семен Дьячковскай, Дьокуускай куорат 5-с №-дээх оскуолатын историяҕа научнай бырайыагын салайааччы, Нуучча географическай уопсастыбатын чилиэнэ Анна Борисова, Нуучча географическай уопсастыбатын Саха сиринээҕи салаатын толорооччу дириэктэрэ Дмитрий Соловьев, социологическай наукалар дуоктара, Информатизация норуоттар икки ардыларынааҕы академиятын чилиэн-кэрэспэдьиэнэ, Социальнай наукалар академияларын академига, психологическай наукалар хандьыдаата Ульяна Винокурова уо.д.а. кыттыыны ыллылар.
Кинилэр бары бу талыллыбыт хайысха Саха сирин көдьүүстээхтик билиигэ-көрүүгэ биир сүрүн суолунан буолуон сөбүн бэлиэтээн эттилэр.
Сиһилии саайтка ааҕыҥ: https://iltumen.ru/news/26626
П.Х.Староватов аатынан Элгээйи оскуолата быйыл 150 сыла. Бу саас "Пеший поход: родные просторы" барылынан Арассыыйатааҕы…
Элгээйи олохтоохторо өр кэтэспит саҥа таас балыыһалара быйыл үлэҕэ киирбитэ. Балыыһа уон киһи сытан эмтэнэр…
ИДьМ Мииринэй оройуонунааҕы полиция салаатыгар түөкүттэргэ албыннатан 1 140 000 солк. суйдаппыт 39 саастаах Айхал…
Лабыктаны аска-үөлгэ кутан сиир, оргуйбут итии ууга көйөрөн иһэр туһалаах дииллэр... Тумуу, кириип, сөтөл ыарыыта…
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…