Хаартыска: А.Васильева түһэриитэ.
Ахсынньы 4 күнүгэр Ил Түмэҥҥэ «Саха киинэтин сайдыыта» диэн «төгүрүк остуол» буолла. Манна саха киинэтин ситиһиилэрин, кыһалҕаларын, сайдар суолларын, судаарыстыбаннай өйөбүл туһунан кэпсэттилэр.
— Киинэ маассабай ускуустуба буоларынан, дьоҥҥо дьайарын күүһүнэн, билиҥҥи кэмҥэ суолтата улаатта. Аныгы технологиялар, оҥоһуу өй бэрт тэтимнээхтик сайда туралларынан, бэл, киинэ ускуустубатыгар дьайыахтарын сөп. Онон аныгы кэмҥэ сайдар суолбутун, хайа диэки барарбытын уһаппакка, торумнуохтаахпыт. Саха киинэтэ саҥа таһымҥа тахсар кэмэ кэллэ, — диэн режиссер, «Сахафильм» уус-уран салайааччыта Алексей Романов эттэ.
«Сахафильм» дириэктэрэ Алексей Егоров бу эйгэҕэ билиҥҥи балаһыанньаны сырдатта. Билигин саха киинэтин 80%-на «Сахафильм» тиэхиникэтинэн уһуллар. Ол эрээри, аныгы сыыппара тиэхиникэтэ түргэн баҕайытык эргэрэр, ону сыллата саҥардан иһиэххэ наада.
— Ил Дархан 2030 сылга диэри креативнай индустрияны сайыннаран, саха киинэтэ атын таһымҥа тахсарын ситиһэр соругу туруорбута. Онон бэстибээллэринэн эрэ сылдьыбакка, индустрия буолар, ол эбэтэр, киэҥ көрөөччүгэ тахсар соруктаахпыт. Бастаан Арассыыйаҕа, онтон аан дойдуга тахсыахтаахпыт. Маннык улахан сыал эбии үбү-харчыны эрэйэр. Бу уустук сорук, ол эрээри, стратегическай былаан ылыннахха, кыаллыан сөп, — диэн кини эттэ.
Маны тэҥэ, «МультиДиТек» тэрилтэ дириэктэрэ Таисия Тарабукина, режиссер, продюсер Петр Хики, «Экстра Синема» тэрилтэ дириэктэрэ Петр Чиряев, «Үлэ кыбаартала» кластер медиалабораториятын дириэктэрэ Дмитрий Кольцов, СӨ сайдыытын корпорациятын дириэктэрэ Афанасий Саввин тыл эттилэр. Дьокутааттар этиилэри ырыттылар, ыйытыылары биэрдилэр.
«Төгүрүк остуол» түмүгүнэн, резолюция ылылынна. Сиһилии «Саха сирэ» хаһыат кэлэр нүөмэригэр ааҕыҥ.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…