Ил Дархан Айсен Николаев быйылгы сыллааҕы түмүктэри таһаарар пресс-кэмпириэнсийэтэ бүгүн, ахсынньы 22 күнүгэр, саҥа үлэҕэ киирбит «Патриот» ыччат киинин дьиэтигэр буолла.
Өрөспүүбүлүкэ баһылыга сыл аайы суруналыыстары кытары көрсөр пресс-кэмпириэнсийэтэ саҥа уораҕайга ыытыллара үгэскэ кубулуйда.
Суруналыыстар бастакы ыйытыыларынан бу күннэргэ буолан ааспыт Дойду Бэрэсидьиэнин пресс-кэмпириэнсийэтигэр Саха сирин суруналыыстарын кыттыытын уонна ону Ил Дархан хайдах сыаналыырын туһунан буолла.
Айсен Николаев суруналыыстар сөптөөх ыйытыыны биэрбиттэрин, дойду баһылыга Саха сиригэр туох буола турарын, биһиги байыастарбыт тустарынан олус үчүгэй өйдөбүллээҕин бэлиэтээтэ.
Ону таһынан, тырааныспар, улуустар икки ардыларыгар оптуобус сырыытын хааччыйыы, суол-иис, ол иһигэр салгын аалынан көтүүлэргэ субсидия туһунан ыйытыылар этилиннилэр. Тыа хаһаайыстыбатыгар сыһыаннаан оҥорон таһаарыы уонна үүккэ көрүллэр субсидия кэмигэр төлөнүүтүн, тыа сиригэр каадыр тиийбэтин, хаарбах дьиэттэн дьону көһөрүү төһө толоруллан иһэрин ыйыталастылар.
Айсен Николаев Саха сирин сайдыытын инники былаанын, ситиһиилэрин, ыытылла турар бырайыактар тустарынан кэпсээтэ. Ону сэргэ, Ил Дархан бырайыак иһинэн үлэлиир Чайыҥда ньиэп уонна гаас баайдаах сир, хотугу муора суолунан сырыыны, таһаҕаһы тиэйиини тупсарыы туһунан ыйытыыларга хоруйдаата. Бүтэһик ыйытыынан көхтөөх уһун олох, үһүс саас оскуолатын туһунан, аҕам саастаах дьоҥҥо усулуобуйаны тэрийии туһунан буолла. Айсен Николаев биллэн турар, бу олус суолталаах ыйытыы буоларын, көхтөөх уһун олох бырайыагынан үлэ барарын, кэлэр өттүгэр усулуобуйа оҥоһулларыгар кыах баарын эттэ.
Суруналыыстар икки чаас олус элбэх ыйытыыны биэрдилэр.
Маннык көрсүһүүлэр сыл аайы ыытыллаллар, бу кэлэр өттүгэр Саха сирин кэскиллээх былааннарын уонна бырайыактарын олоххо киллэрэргэ көмөлөһөллөр.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…