«Илии сылааһа» бырайыак «Уһук Илин сулуһа» бириэмийэҕэ мэктиэлэннэ

Анал байыаннай дьайыыга сылдьар буойуннары өйүүр «Илии сылааһа» волонтердар бырайыактара сылын аайы ыытыллар «Уһук Илин сулуһа» («Звезда Дальнего Востока»)  уопсастыбаннай-дьыалабыай бириэмийэҕэ мэктиэлэннэ.

Бу тэрээһин РФ Бырабыыталыстыбатын бэрэссэдээтэлин солбуйааччы уонна Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев өйөбүлүнэн ыытыллар. Волонтер-ийэлэр тигии мастарыскыайдарын салайааччыта Ирина Саввина бырайыак 2022 сыл алтынньытыттан үлэлиирин уонна 5500-тэн тахса анал таҥаһынан — изоляциялаах таҥастан саҕалаан футболкаларга уонна плащтарга тиийэ хааччыйбытын иһитиннэрдэ. «Барыта бэйэм көҕүлээһимминэн, дьиэбиттэн аҕалбыт түөрт эрэ тигэр массыынабыттан саҕаламмыта. Билигин, спонсордарбыт көмөлөрүнэн идэтийбит мастарыскыай буоллубут.  Саҕалыырбытыгар киин офиспытыгар биэс-алта киһи этибит” диэн бэлиэтээтэ.

«Төрөөбүт дойдуга таптал тылынан буолбакка, дьыаланан быһаарыллар. Билигин анал байыаннай дьайыытын кэмиигэр “Бэйэбит дьоммутун бырахпаппыт” диэн девиһинэн үтүө сааалаах дьон дойду интэриэһин көмүскүүргэ түмсүбүттэрэ. Саамай суолталаах түгэҥҥэ уопсай дьыалаттан туора турар кыахпыт суох”, диэн бэлиэтээтэ Юрий Трутнев. «Уһук Илин сулуһа» бириэмийэнэн Уһук Илин сайдыытыгар сүҥкэн кылааттарын киллэрбит 130-тан тахса урбаанньыт, тэрилтэ, уопсастыбаннай диэйэтэл, суруналыыс бэлиэтэннэ.

Сиһилии: https://www.sakha.gov.ru/news/17405 сигэнэн ааҕыҥ.