Хаартыска "Илии сылааһа" иис сыаҕыттан
Дьокуускайга Ирина Егоровна Саввина көҕүлээбит, тэрийбит «Илии сылааһа» диэн иис сыаҕар дьахталлар бэйэлэрин баҕаларынан түмсэллэр. Бу сыах үлэлээбитэ биир сыл буолла.
Технопааркаҕа бу бэлиэн түгэнинэн тэрээһин буолла. Тэрийээччини уонна кэлэктииби эҕэрдэлии «Северо-Воcточный фонд помощи и поддержки Донбасса» дириэктэрэ Михаил Павлов, НамКоммунТеплоЭнерго, «Анаабыр алмаастара» АУо, Якутэнергосбыт, Водоканал, Якутэнерго, «ОДьКХ ГУП салайааччылара уонна бэрэстэбиитэллэрэ, мэдиссиинэ тэрилтэлэриттэн, о.д.а. кыттыыны ыллылар.
«Уустук кэмнэри аастыбыт. Эһиги өйөбүлгүтүнэн, көмөҕүтүнэн биһиги түмсэн байыастарга көмөлөһөр сыахпытын аһан үлэлэтэ сылдьабыт. Бүгүҥҥү күҥҥэ «Эр хоһуун» 1800 кэмпилиэгэ тигилиннэ», — диэн этэр Ирина Егоровна. Кини сыах үлэтин-хамнаһын туһунан билиһиннэрдэ. Бары ыҥырыылаах ыалдьыттарга махтанан туран иис сыаҕын аатыттан өйдөбүнньүк значоктары уонна махтал суруктар туттардылар.
СӨ нэһилиэнньэтин олоҕор-дьаһаҕар куттал суох буолуутун хааччыйар судаарыстыбаннай кэмитиэт бэрэссэдээтэлин солбуйааччы Яна Наумова Ирина Саввинаҕа көхтөөх үлэтин иһин «Гражданская инициатива» биэдэмистибэннэй наҕарааданы туттарда. Ону сэргэ СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников аатыттан махтал суруктар туттарылыннылар.
«Волонтер үлэтэ ис сүрэхтэн саҕыллар. Биһиги добровольческай хамсааһыммытынан туһалааҕы оҥоробут. Бу санаабыт биһигини үлэбитин өссө салгыы күүһүрдэрбитигэр, тэтимирдэрбитигэр көмөлөһөр», — диэн бэлиэтиир «Илии сылааһа» иис сыаҕын салайааччыта.
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха…
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …