Хаартыска: www.sakha.gov.ru
Уһук Илин эрэгийиэннэрэ аан дойду таһымнаах гроссмейстердары сэргэ Илиҥҥи экэнэмиичэскэй пуорум Куубагын иһин киирсэр саахыматчыттары быһаардылар. Сүүмэрдиир турнирдар уонна тургутуулар бары 11 федерацияҕа буоллулар. Саха сириттэн кыттааччыны сүрүн турнирдар түмүктэрин сууматынан таллылар. Күрэхтэһиигэ Владислав Жирков кыттар буолла.
Илиҥҥи экэнэмиичэскэй пуорум Куубагар норуоттар икки ардыларынааҕы үһүс төгүлүн ыытыллар саахымат турнира быйыл балаҕан ыйын 2-6 күннэригэр Владивосток куоракка үс былаһаакканан тэриллиэҕэ.
Уһук Илиҥҥэ саахымат норуоттар икки ардыларынааҕы бөдөҥ тэрээһинэ Уһук Илиҥҥи федеральнай университет кампуһугар ыытыллыаҕа. Куубак бириискэ пуондата 3 мөл. солк. тэҥнэһэр, 32 оонньооччу киирсиэҕэ: Арассыыйа бастыҥ гроссмейстердара, тас дойду саахыматчыттара, ол иһигэр тоҕус судаарыстыба түмсүүлэрэ (БРИКС) уонна 11 Уһук Илин оонньооччулара.
“Куубагы үс сыл ыыттыбыт, тэрээһин Уһук Илин саахыматчыттарын талааннарын арыйар уонна сайдалларыгар көмөлөһөр саахымат улахан түһүлгэтигэр кубулуйда. Куубакка хапсар инниттэн оонньооччулар сыл устата дьарыктаналлар, сүүмэрдиир күрэхтэһиилэри ааһаллар, Арассыыйа чөмпүйүөннэрин эбэтэр Индия саахыматчыт сулустарын кытта биир дуоскаҕа тэҥҥэ киирсэр туһугар маастарыстыбаларын чочуйаллар. Бу, уопсайынан, Уһук Илиҥҥэ интеллектуальнай көрүҥнэр сайдалларыгар улахан кыаҕы биэрэр”, – диэн Илиҥҥи экэнэмиичэскэй пуорум хос тэрийээччитэ, Уһук Илиҥҥи федеральнай университет ректорын сүбэһитэ Рафаиль Айндинов иһитиннэрэр.
2026 сыл саҕаланыаҕыттан Арассыыйаҕа дьиэ кэргэҥҥэ аналлаах нолуоктан төлөбүр баар буолуоҕа. Бу туһунан сенатор Игорь…
Бүгүн, Норуот сомоҕолоһуутун күнүгэр, Арассыыйа Бэрэсидьиэнэ Владимир Путин дойдубут култуурунай нэһилиэстибэтин харыстыырга уонна элбэх омук…
Бүгүн, сэтинньи 4 күнүгэр, Дьокуускайга «Арассыыйа – мин устуоруйам» историческай паарка аттыгар байыаннай дьайыы зонатыттан…
Бүгүн – Норуот сомоҕолоһуутун күнэ. Оттон Арассыыйаҕа бырааһынньык диэн өрүү баай астаах остуолу кытта ситимнээх.…
Москваҕа Арбатскай-Покровскай лииньийэҕэ «Уһук Илин экспреһэ» диэн пуойас сүүрэн саҕалаата. Бу пуойас Норуот сомоҕолоһуутун күнүгэр…
Сэтинньи 1 күнүгэр «Уһук Илин күннэрэ - Москваҕа– 2025» иитэр-патриотическай тэрээһиннэр чэрчитинэн «Арассыыйа» национальнай киинигэр…