Илин эҥэр улуустарга уоту араарыахтара
20.03.2023, 13:25
"Киин уот ситимин" пресс-сулууспатын хаартыскалара
Бөлөххө киир:
Мантан саас илин эҥэр улуустарыгар уот лииньийэтигэр өрөмүөн ыытылларынан сибээстээн, уоту араарыахтара.
Кулун тутар 20-31 күннэригэр илин эҥэр улуустарга былаан быһыытынан уоту араарыахтара. Тоҕо диэтэххэ, ити күннэргэ «Якутскэнерго» ПАУо Киин элэктэриичискэй ситимнэр исписэлиистэрэ Амма, Таатта, Томпо, Уус Маайа уонна Чурапчы улуустарын уотунан хааччыйар «Майа-Чурапчы» КВЛ-110кВ лииньийэҕэ өрөмүөн үлэтин ыытыахтара. Амма, Чурапчы улуустарын сорох нэһилиэнньэлээх пууннарыгар уонна Таатта улууһун Даайа-Амматыгар тустаах өрөмүөн ыытылларынан уоту күнүһүн араарыахтара.
Былаан быһыытынан «Майа-Чурапчы» уот ситимигэр 100-тэн тахса уот ситимин тирэҕин уларытыахтара.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: