Официальнай саайтка балаҕан ыйын 3-6 күннэригэр Владивостокка Уһук Илиҥҥи федеральнай университет кампуһун былаһааккатыгар ыытыллыахтаах Илиҥҥи экэнэмиичэскэй пуорум-2024 дьыалабыай бырагырааматын архитектуратын таһаардылар.
Пуорум быйылгы сүрүн тиэмэтэ – “Уһук Илин-2030”.
“Арассыыйа Илин диэки салгыы хайыһар. Бу тимир уонна массыына саҥа суолун тутууну, энергетическэй кыаҕы, Хотугу муора суолун баһылааһыҥҥа салгыы хардыылары ирдиир. Уһук Илин сайдыытын РФ бэрэсидьиэнэ Владимир Владимирович Путин, кини макроэрэгийиэн иннигэр туруорар инники күөҥҥэ тутар соруктарын көрүүлэрэ мэктиэлиир.
Уһук Илини сайыннарыыны дойду баһылыга XXI үйэ национальнай инники күөҥҥэ турар соругунан биллэрбитэ. Бу инниттэн кэлин дойду атын сирдэригэр тарҕаныахтаах өйөбүл ураты миэрэлэрэ оҥоһуллаллар, олоххо киирэллэр. Номнуо тохсус сылын бу сайдыы түмүгүн Арассыыйа инники сылдьар хампаанньаларын уонна тас дойдулартан бииргэ үлэлэһээччилэр көрсүһүүлэрин тэрийэр норуоттар икки ардыларынааҕы бөдөҥ былаһааккатынан эрэ буолбакка, Уһук Илин уонна Арктика олорор усулуобуйатын хаачыстыбалаахтык уларытар инструменынан буолбут, Илиҥҥи экэнэмиичэскэй пуорумугар билиһиннэрэллэр” – диэн РФ бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев бэлиэтиир.
Пуорум дьыалабыай тэрээһиннэрин сэттэ тиэмэлээх блоктарынан араарбыттар: «Новые контуры международного сотрудничества», «Технологии независимости», «Финансовая система ценностей», «Россия дальневосточная», «Люди, образование и патриотизм», «Транспорт и логистика: новые маршруты» и «Мастер-планы: от архитектуры к экономике».
“Илиҥҥи экэнэмиичэскэй пуорум Азия-Тиихэй акыйаан эрэгийиэнигэр бииргэ үлэлэһиини сайыннарар сүрүн былаһаакка быһыытынан буолла. Глобальнай уларыйыы усулуобуйатыгар бүгүн норуоттар икки ардыларынааҕы кэпсэтии ураты суолтаны ылар. Дойду сайдыытын улахан ирдэбилинэн сибээстээн, үүнүү саҥа кыаҕын көрдүүллэр, бу – буолаары турар пуорум инники турар соруктарын быһаарар. Арассыыйа уонна тас дойдулар былаастарын уорганнарын бэрэстэбиитэллэрэ, эспиэртэр уонна биисинэс түмсүүлэрэ аан дойдуга атыытын уонна судаарыстыбалар икки ардыларынааҕы суоттааһын систиэмэлэрин, технологическай суверенитеты ситиһэр суоллары, ону тэҥэ, киэҥ далааһыннаахтык бииргэ үлэлэһии боппуруостарын ырытыһыахтара. Пуорумҥа сирдэри сайыннарыы экэнмиичэскэй кыахтарын, Уһук Илин куораттарын преференциальнай эрэсиимнэрин уонна маастар-былааннарын көрүөхтэрэ” – диэн РФ бэрэсидьиэнин сүбэһитэ, пуоруму ыытыыга уонна бэлэмнээһиҥҥэ тэрийэр кэмитиэт эппиэттээх сэкирэтээрэ Антон Кобяков бэлиэтиир.
Итини сэргэ, пуорум бырагырааматыгар Арассыыйа урбаанньыттара Кытай, Индия уонна АСЕАН дойдуларыттан бииргэ үлэлэһээччилэрин кытта биисинэскэ кэпсэтиилэрэ киирэр. Сиһилии манна ааҕыҥ.
Арҕааҥҥылары Зеленскэй эҥин араастык сордоон-муҥнаан сэриигэ кыттыһыннара сатыыр. https://t.me/sakhasire20/46123
Соторутааҕыта Таатта улууһун Чычымах сэлиэнньэтигэр ититэр ситим тыраассатын саҥардан оҥоруу киин ититэр ситими саҥардыыга ситиһиилээх…
Бэчээттиир станок айыллыбыта үйэ аҥаара ааспытын кэннэ, 1501 сыллаахха Гутенберг кырасыабай курсива айыллыбыт. Аан бастаан…
Ыччат каадырга киинэ бүгүн, алтынньы 25 күнүгэр, үөрүүлээх быһыыга-майгыга арылынна. Уһук Илиҥҥэ аан бастакы киин…
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…