Хаартыска: УИУо РФ Бэрэсидьиэнин болмуочуйалаах бэрэстэбиитэлин пресс-сулууспата.
IX Илиҥҥи экэнэмиичэскэй пуорум чэрчитинэн ыытыллыбыт “Уһук Илин уулуссата” быыстапка түмүгүнэн Саха сирэ “Бастыҥ култуурунай бырагыраама” анал аакка кыайыылааҕынан таҕыста.
Наҕарааданы УИУо сэбиэтин мунньаҕар РФ Бырабыыталыстыбатын Бэрэссэдээтэлин солбуйааччыта — УИУо РФ Бэрэсидьиэнин боломуочуйалаах бэрэстэбиитэлэ Юрий Трутнев Ил Дархан Айсен Николаевка туттарда.
“Илиҥҥи экэнэмиичэскэй пуорум ситиһиилээхтик ааста: инвестицияларга илии баттаммыт сөбүлэһиилэр рекорка тиийэр ахсааннаахтар, 75 дойдуттан 7 тыһ. киһи кытынна. Пуорум тэрээһинигэр уонна “Уһук Илин уулуссата” быыстапканы бэлэмниир үлэҕит иһин губернатордарга махтанабын. Быйыл дьүүлүлүр сүбэни таһынан онлайн-эрэсиимҥэ куоластааһын ыытыллыбыта. “Бастыҥ култуурунай бырагырааматтан” саҕалаатахха, кыайыылаахтарынан Бурятия Өрөспүүбүлүкэтэ уонна Саха Өрөспүүбүлүкэтэ тэрээһиннэрэ буоллулар. Саамай үрдүк технологическай павильонунан Сахалин уобалаһын уонна Забайкальскай кыраай павильоннара таҕыстылар. Оттон “Бастыҥ павильон” аатын, ону тэҥэ онлайн-куоластааһын түмүгүнэн кыайыылааҕынан Приморскай кыраас павильона ааттанна”, — диэтэ Юрий Трутнев.
Саха сирэ быйылгы быыстапкаҕа РФ Дьиэ кэргэн сылынан “Саха сирэ – Хотугу сулус кыраайа” кэнсиэри көрдөрбүтэ, манна бастыҥ айар кэлэктииптэр, дьиэ кэргэн династиялара кыттыбыттара. Култуурунай бырагыраама иһинэн ойуун кыырыыта, кыталык үҥкүүтэ көрдөрүллүбүтэ. Бырагыраамаҕа барыта 30-тан тахса артыыс кыттыбыта, кэнсиэртэри таһынан кинилэр хомуска уонна саха национальнай инструменнарыгар маастар-кылаастары ыыппыттара диэн Ил Дархан, Бырабыыталыстыба пресс-сулууспата иһитиннэрэр.
Быйыл "Өлүөнэ очуостара" айылҕа национальнай паарката тэриллибитэ 30 сыллаах үбүлүөйүн бэлиэтииринэн сибээстээн, араас ис дириҥ…
Быйыл “Өлүөнэ очуостара” айылҕа национальнай паарката 30 сыллаах үбүлүөйүн бэлиэтиир. Онон бу күннэргэ тэрилтэ салалтата…
Үбүлүөйдээх Илиҥҥи экэнэмиичэскэй пуорумҥа анаан Владивостокка Өрөбөлүүссүйэни Туруулаһааччылар болуоссаттарыгар киэҥ далааһыннаах хаартысканан быыстапка аһылынна. РФ…
Уот турбут төрүөтэ сиһилии чуолкайданар. Атырдьах ыйын 26 күнүгэр Дьокуускайга Михаил Николаев проспегар турар элбэх…
Бу күннэргэ Өймөкөөн улууһугар от ыйыгар уһун ардахтан халааннаан, дьон олорор дьиэтин, оҕуруотун барытын уу…
РФ Бырабыыталыстыбата саҥа быраабыланы бигэргэппит. Онно олоҕуран, үлэ биэрээччилэр хамнас орто кээмэйин биир алгоритмынан ааҕар…