Илиҥҥи экэнэмиичэскэй пуорум култуурунай бырагырааматын иһинэн саха киинэтин күннэрэ ыытыллыахтара. Ол курдук, «Снайпер саха», «Надо мною солнце не садится», «Мой личный дракон», «Тойон Кыыл» киинэлэри көрдөрүөхтэрэ, көрөөччүлэрдиин көрсүһүүлэр буолуохтара. Пуорум балаҕан ыйын 5-8 күннэригэр Владивосток куоракка ыытыллар. Ону тэҥэ, Саха АССР 100 сылыгар анаммыт «Мой край! Якутия моя! Тебя люблю и славлю я!» диэн ааттаах
Илиҥҥи экэнэмиичэскэй пуорум култуурунай бырагырааматын иһинэн саха киинэтин күннэрэ ыытыллыахтара. Ол курдук, «Снайпер саха», «Надо мною солнце не садится», «Мой личный дракон», «Тойон Кыыл» киинэлэри көрдөрүөхтэрэ, көрөөччүлэрдиин көрсүһүүлэр буолуохтара. Пуорум балаҕан ыйын 5-8 күннэригэр Владивосток куоракка ыытыллар.
Ону тэҥэ, Саха АССР 100 сылыгар анаммыт «Мой край! Якутия моя! Тебя люблю и славлю я!» диэн ааттаах улахан кэнсиэр ыытыллыа. «Улицы Дальнего Востока» былаһааккаҕа Саха сирэ култуурунай бырагырааматын баалаҕан ыйын 5 күнүгэр көрдөрүөҕэ.
Былырыын саха киинэтин классикатын көрдөрбүт буоллахтарына, быйыл саҥа тахсыбыт эрээри, номнуо биллэр киинэлэри көрдөрүөхтэрэ.
Балаҕан ыйын 2 күнүгэр — «Холодное Золото» киинэ.
Балаҕан ыйын 3 күнүгэр — «Дьулуур: мас-рестлинг” киинэ.
Балаҕан ыйын 4 күнүгэр — «Дикий Челлендж» киинэ.
Балаҕан ыйын 5 күнүгэр — «Вертолёт». киинэ.
Балаҕан ыйын 6 күнүгэр — «Бүгүн-Былыр» киинэ.
Сеанс бүппүтүн кэннэ, режиссердары, артыыстары, киинэни устааччылары кытары көрсүһүүлэр, ырытыһыылар буолуохтара.
Илиҥҥи экэнэмиичэскэй пуорум култуурунай бырагыраамата балаҕан ыйын 11 күнүгэр гала-кэнсиэринэн түмүктэниэҕэ. Манна 11 эрэгийиэн кыттыыны ылыаҕа.
СӨ култуураҕа, духуобунай сайдыыга миниистирин солбуйааччы Марина Силина этэринэн, бу күннэргэ Владивостокка “Саха сирин күннэрэ” ыытыллыахтара. Сүрүн түгэнинэн Мариинскай тыйаатыр Приморьетааҕы сыанатыгар «Северное сияние» диэн гала-кэнсиэр буолуоҕа. Манна Symphonica ARTica симфонический оркестр, «БалАнс» ансаамбыл, Суорун Омоллоон аатынан Опера, балет тыйаатырын солистара, «Гулун» ансаамбыл, Олоҥхо тыйаатырын фольклорнай бөлөҕө кыттыыны ылыахтара.
Балаҕан ыйын 4 күнүгэр бу сыанаҕа Symphonica ARTica оркестр кэнсиэртиэҕэ, оркестыр аатырбыт Фабио Мастранджело салайыаҕа.
Ону тэҥэ, Саха сирин мусуойдара быыстапкалыахтара. Приморскай хартыына галереятыгар Национальнай художественнай мусуой «В АУРЕ КОСМОСА. Современное изобразительное искусство Якутии» быыстапката, В.К. Арсеньев аатынан Уһук Илин историятын мусуой-заповеднигар Ярославскай аатынан Дьокуускайдааҕы мусуой уонна Шемановскай аатынан Ямало-Ненецкэй мусуой-быыстапка комплексын кыттыгас «Поход на Восток. Остроги Сибири» быыстапкалара балаҕан ыйа бүтүөр диэри туруохтара.
Ангелина Васильева, “Саха сирэ” хаһыат, edersaas.ru
Хаартыскаҕа: пуорум урукку сыллардааҕы хаартыскалара (СИА).
Бүгүн, ахсынньы 15 күнүгэр, Дьокуускайга 36 кв.м. иэннээх кыбартыыраҕа баһаар буолла. Өлбүттэр суохтар, биэс киһи…
Оҕо эрдэххэ дьаабылыка сыта, мандарин амтана наһаа да минньигэс уонна ураты буолара. Саҥа дьыл үөрүүтүн,…
Сыл – хонук. Номнуо үйэ чиэппэрэ ааһа охсубут. Оттон киэн туттан бүгүн кэпсээри оҥостор киһибит …
Горнай улууһун Одуну нэһилиэгэр айрширскай боруодалаах ынах бастакы ньирэйин төрөппүтүн туһунан "Үлэ күүһэ" хаһыат телеграм-ханаала…
"Сахафильм" киинэ хампаанньата уонна СӨ Национальнай бибилэтиэкэ 10 сахалыы киинэни босхо көрдөрөллөр. "Киинэни ааҕабыт!" аахсыйа…
Саха киинэтэ 1990 сылтан силис-мутук тардар. Бу сыл “Северфильм” киинэ устуудьуйата тэриллибитэ, ол 1992 сыллаахха…