Салгыы
“Иллээхтик бииргэ” – табыллыбыт бырайыак

“Иллээхтик бииргэ” – табыллыбыт бырайыак

02.04.2024, 15:35
Хаартыска: Денис Попов түһэриитэ
Бөлөххө киир:

Бүгүн, муус устар 2 күнүгэр,  өрөспүүбүлүкэтээҕи медиа-кииҥҥэ олус сэргэх тэрээһин буолла. Ол курдук, “Иллээхтик бииргэ” (“Будем вместе”) теле-бырайыак түмүктэрин таһаарыыга дьон бөҕө түмүстэ.

2012 сыллаахха бастакы биэрии саҕаламмыта бу баар курдук. Оҕону дьиэ кэргэҥҥэ иитэр, көрөр-истэр ыаллары өйүүр бырайыак Саха сиригэр киэҥ биһирэбили ылбыта. Владыка Роман, “Арассыыйа ийэлэрэ”  түмсүү  Саха сиринээҕи салаата уо.д.а. тустаах бырайыагы өйөөбүттэрэ. Ол түмүгэр бу сылларга 422 биэрии тахсыбыт.  Теле-биэрии көмөтүнэн оҕолору дьиэ кэргэннэригэр  көрө-истэ ылбыт ыаллары өйөөһүн тэриллибит.

Бүгүҥҥү отчуокка этиллибитинэн, аҥаардас 2023 сыл олунньу 1 күнүттэн 2024 сыл муус устар 2 күнүгэр диэри оҕолору 12 оройуоҥҥа  иитэ ылбыт 48 ыал баар.  Үгүс түбүктээх, эппиэтинэстээх ыаллары түмэр сийиэскэ 140 киһи кыттыбыт.  Үөрүүлээх тэрээһиҥҥэ кытта кэлбит ыаллартан биирдэстэринэн Людмила Семеновна Горохова буолар. Кини иитэр уола этэринэн, бэһиэ буолан уонна төрөппүт оҕолорун кытта  бэрт иллээхтик-эйэлээхтик олороллор. Оҕолор ийэлэрин кытта бары национальнай таҥастаах кэлбиттэрэ кэрэхсэттэ.

“Иллээхтик бииргэ” бырайыак 2013 сылтан саҕалаан “Саха-Азия оҕолоро” (“Дети Саха-Азия”) пуонданы кытта ыкса ситимнээхтик үлэлээбит. Онон 2023 сыл олунньу ыйга “Саха” НКИХ  биэрии тахсыбыт. 422 төгүл бырайыак тэлэбиисэринэн тахсыбыта – бу улахан ситиһии, көмө. Пуонда тэрийэр  дириэктэрэ Ольга Михайловна Андросова бу дьиэ кэргэттэргэ уонна оҕолорго олус туһалаах бырайыак киэҥ хабааннаах буолбутун бэлиэтээтэ.

— Бырайыак сүрүн сыалынан төрөппүт көрүүтэ суох хаалбыт оҕолору дьиэ кэргэҥҥэ олохтооһун буолар. Бүгүн бу бырайыак атаҕар туруутугар үлэлээбит дьону ахтыахпын баҕарабын. Бу теле-биэриилэри 2015 сылтан Ольга Черненко устар, сахалыы тылбаастыырга ийэтэ көмөлөһөр. Варвара Куличкина көмөлөһөр, бары дьаһалларбытын олоххо киллэриигэ Марина Куличкина үлэлэһэр, иһитиннэрэр матырыйааллары Мария Чямпина түмэр. Ыытааччы Евгения Николаевната суох табыллыбаппыт. Социальнай сыанабылы ыыттарбыппыт туһалаах буолбута.   Оҕолору иитэр ыалларга туһалаах сокуоннары оҥорууга Алена Николаевна Атласова өрүү көмөлөһөр. СӨ Үлэҕэ уонна социальнай сайдыыга министиэристибэтин, чуолаан, Елена Теплякованы кытта ыкса үлэлэһэбит.  2022 сылга эдэр чинчийээччилэр куонкурустарын ыыппыппыт. Норуоттар икки ардыларынааҕы таһымнаах тэрээһиҥҥэ Экэниэмикэ үрдүкү оскуолатын устудьуоннара кыттыбыттара. Былырыын Бэрэсидьиэн граннарын куонкуруһугар кыайбыппыт. Оҕолору дьиэ кэргэҥҥэ көрүүгэ ылыыны тэниттибит. Сорукпутун толордубут. Бу муус устар ыйга бырайыакпытын түмүктүөхпүт. Ютуб-ханаалбытыгар 2000 тахса  сурутааччылаахпыт. Барыгытыгар махтанабын, — диэтэ Ольга Михайловна.

+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
19 апреля
  • 5°C
  • Ощущается: 2°Влажность: 42% Скорость ветра: 3 м/с

Сообщить об опечатке

Текст, который будет отправлен нашим редакторам: