Ильмень күөлгэ өлбүт буойуттары кэриэстээтилэр
23.02.2023, 14:46
Хаартыскалар sakha.gov.ru
Бөлөххө киир:
Бүгүн, олунньу 23 күнүгэр, Ил Дархан Айсен Николаев Дьокуускайга “Ильмень үрдүнэн туруйалар” мемориал-искибиэргэ Ильмень күөлгэ өлбүт буойуттар сырдык ааттарын кэриэстээн, тыыннаах сибэккилэри ууруу сиэригэр-туомугар кытынна.
«80 сыл анараа өттүгэр, 1943 сыл олунньу 23 күнүгэр, Саха сирин хорсун уолаттара – 19-с хайыһар биригээдэтин буойуттара Ильмень күөлгэ кырыктаах кыргыһыыга олохторун толук уурбуттара. Биригээдэҕэ икки тыһыынча кэриҥэ саллаат баарыттан, 600-тэн тахсата Саха сирин олохтоохторо этэ. Бүгүн эмиэ Саха сирин олохтоохторо Аҕа дойду көмүскэлигэр, инники олохпут туһугар туруннулар. Биһиги эмиэ Кыайыылаах буолуохпут!» — диэн Ил Дархан бэйэтин этиитигэр эттэ.
Тэрээһиҥҥэ Ил Дархан Айсен Николаевы сэргэ СӨ кылаабынай федеральнай инспектор Евгений Корнеев, СӨ Үрдүкү суутун бэрэссэдээтэлэ Любовь Летучих, Ил Түмэн бэрэссэдээтэлин бастакы солбуйааччы Александр Жирков уонна да атыттар кытыннылар.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: