Салгыы
Ильмень күөлгэ өлбүт хорсун буойуттары кэриэстээтилэр

Ильмень күөлгэ өлбүт хорсун буойуттары кэриэстээтилэр

23.02.2024, 16:55
Ил Дархан, бырабыыталыстыба дьаһалтатын пресс-сулууспата.
Бөлөххө киир:

Аҕа дойдуну көмүскээччилэр күннэригэр — олунньу 23 күнүгэр Дьокуускайга «Ильмень үрдүнэн туруйалар» мемориал-сквергэ Ильмень күөлгэ кыргыһыы 81 сылыгар аналлаах мустуу, дьоруойдар ааттарыгар сүгүрүйүү, сибэккини ууруу буолла.

Ил Дархан, бырабыыталыстыба дьаһалтатын пресс-сулууспата.

81 сыллааҕыта, 1943 сыл олунньу 23 күнүгэр, Новгородскай уобалас Старорусскай оройуонугар баар Ильмень күөлгэ Саха сириттэн сылдьар 600-тэн тахса байыас — 19-с хайыһар биригээдэтин саллааттара сырдык тыыннара быстыбыта.

— Биһиги бүгүн биир дойдулаахтарбыт хорсун быһыыларын ахтабыт-саныыбыт. Биһиги бу курдук чаҕылхай күннээх, ыраас халлааннаах күн кэлэн турарбыт, ыраас салгыны эҕирийэ тыынарбыт иһин тыыннарын толук уурбуттара. Ол ынырыктаах кыргыһыы, ынырык сэрии этэ. Биһиги сэриилэрбит туруоруллубут соругу толорбуттара — Старай Русса куорат босхоломмута. Ол сыанатын биһиги билигин өйдүүр-саныыр иэстээхпит, — диэн СӨ бастайааннай бэрэстэбиитэлэ, бырабыыталыстыба бэрэссэдээтэлин бастакы солбуйааччы Андрей Федотов эттэ.

Аҕа дойду сэриитин кыттыылаахтарын хорсун быһыыларыгар билигин байыаннай дьайыыга сэриилэһэ сылдьар көлүөнэ иитиллибитэ.

— Манна, тыылга биһиги кинилэри өйүүбүт, дойдубут, уопсастыбабыт, инникибит, көҥүл  туһугар үлэлиибит. Оччоҕо эрэ инникибит диэки эрэллээхтик көрүөхпүт, Арассыыйа да, өрөспүүбүлүкэбит да бу күҥҥэ диэри сайдыбыттарын курдук, сайдыахтара. Бүгүҥҥү күҥҥэ фроҥҥа балаһыанньа эрэли үөскэтэр, биһиги быдан түмсүүлээх, күүстээх, эрэллээх буоллубут. Биһиги кыайыахпыт! — диэн кини бэлиэтээтэ.

Хотугулуу-Арҕааҥҥы фронт 27-с аармыйатын 19 хайыһар биригээдэтин буойуннарын кэриэстээн, биир мүнүүтэ саҥата суох туруу биллэрилиннэ.

Ил Түмэн спикерэ Алексей Еремеев, СӨ бастайааннай бэрэстэбиитэлэ Андрей Федотов, норуот дьокутааттара, куорат Думатын  дьокутааттара, Дьокуускай куорат дьаһалтата, 14129 байыаннай чаас бэрэстэбиитэллэрэ, ыччат дьон, куорат олохтоохторо сибэкки дьөрбөтүн уурдулар.

Ил Дархан, бырабыыталыстыба дьаһалтатын пресс-сулууспата.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 апреля
  • 7°C
  • Ощущается: 5°Влажность: 42% Скорость ветра: 3 м/с

Сообщить об опечатке

Текст, который будет отправлен нашим редакторам: