Илья Егорович Винокуров пааматынньыгар сибэкки дьөрбөтүн уурдулар

Бүгүн, тохсунньу 1 күнүгэр, Аппааны бөһүөлэгэр  киэн туттар биир дойдулаахпыт,  уһулуччулаах судаарыстыбаннай уонна бэлэтиичэскэй диэйэтэл  Илья Егорович Винокуров  төрөөбүтэ 129 сылын көрсө, пааматынньыгар  тыыннаах  сибэкки дьөрбөтүн ууруу сиэрэ-туома ыытылынна.

Тэрээһиҥҥэ  Нам улууһун баһылыга Юрий Слепцов,   Хатыҥ Арыы нэһилиэгин баһылыга Иван Ноговицын, нэһилиэк уопсастыбаннаһа, тэрилтэ салайааччылара, биирдиилээн дьон  кыттыыны ыллылар.
Хатыҥ Арыы нэһилиэгин дьоно-сэргэтэ Илья Егорович Винокуров норуотун туһугар  бэриниилээх үлэтин-хамнаһын  ытыктыыр, кини сырдык аатыгар сүгүрүйэр!
Биһиги Саха сирин  социальнай-экэнэмиичэскэй олоҕор уонна бырамыысыланнаһын сайыннарыыга сүҥкэн кылаатын киллэрбит  Илья Егорович Винокуров  сырдык аатыгар сүгүрүйэн ааһар ытык иэспит.

«Нам улууһа» МТ пресс-сулууспата