Хаартыска: "Саха" НКИХ, "Тооку" ханаал
Туундара киэҥ куйаарыгар кыырпах хаартан тахсыбыт Имана диэн ааттаах кырачаан кыыс олорор. Кини аптаах, алыптаах хаппардаах. Имана кыыс тыйыс дойду кыһалҕаларыгар түбэспит дьоҥҥо, кыылларга, көмөлөһөр.
«Тооку» ханаал оҥорон таһаарбыт саамай хотугу ойуулугун кулун тутар 2 күнүгэр Дьокуускайга Н.Д. Неустроев аатынан Smart — библиотекаҕа сүрэхтээтибит.
Тэрээhин үөрүүлээх чааһын «Бриллианты Якутии» (сал. Зоя уонна Афанасий Соловьевтар), «Автобус радости» (сал. Анастасия Кириллина) үҥкүү кэлэктииптэрэ итиэннэ
«Остров сокровищ» ансаамбыл (мус. салайааччы Васильева Наталья Петровна ) иитиллээччилэрэ киэргэттилэр.
«Имана» ойуулук ырыатынан челлендж түмүгүн блогер Айыына Кожурова биллэрдэ. Айыына Имана үҥкүүтүн бэйэтэ үҥкүүлээн оҕолорго reels устан ыыталларыгар сорудахтаабыта. Онон бу күн бастыҥ үҥкүүһүттэр өйдөбүнньүк бириистэри Айыынаттан тутан үөрүүлэрэ үксээтэ.
«Имана» ойуулук айар бөлөҕө тэрээһин сүрүн дьоруойдарынан буоллулар. Режиссер Ирина Соловьева ойуулук туһунан кылгастык сырдатта. Ойуулугу саҥардыыга үлэлэспит
Нарияна Антипина, Роберт Мордосов, Яша Старостин, Сайдам Саввинов, Арсентий Софронов, Айыына Колесова, Айыына Кожурова сыанаҕа тахсан бэйэлэрин билиһиннэрдилэр, оруолларын туһунан кылгастык кэпсээтилэр. Ойуулукка үлэлиир бастыҥ баҕа санаалара туолбутуттан долгуйбуттарын туһунан үллэһиннилэр.
Бу кэнниитттэн «Имана» ойуулугу бары чуумпуран олорон көрдүлэр.
«Моя библиотека» Дьокуускайдааҕы оҕо библиотекатын кэлэктиибэ (салайааччы Мария Егоровна Сивцева) «Имана» ойуулугунан оҕолорго оонньуу оонньотто. 7-с нүөмэрдээх оскуола сахалыы остуол оонньууларын — хабылыгы, хаамысканы (салайааччы Иванова Елизавета Петровна), «түргэн кууб» оонньууну 29-с оскуола физкультураҕа учуутала Антонина Бессонова ыытан, оҕолорго умнуллубат күнү бэлэхтээтилэр.
Бу курдук «Тооку» сахалыы оҕо ханаала өссө биир саҥа ойуулугу кырачааннарга сүрэхтээтэ.
Сахалыы ойуулуктары: «Тооку» оҕо ханаалыгар 24 чаас устата, «Саха» НКИХ мобильнай сыhыарыытыгар Tynnyk.ru, tynnyksakhakids социальнай ситимнэргэ көрүҥ.
«Саха» НКИХ, «Тооку» ханаал
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха…
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …