Иммунитеты бөҕөргөтөргө хас чаас утуйуохтаахпытый?

Үгүс дьон төһөнөн уһуннук утуйабыт да сынньанабыт дии саныыллар. Оттон ис дьиҥэр оннук буолбатах.

Хаачыстыбалаахтык утуйар туһуттан киһи күһүн, кыһын киэһэ 21.00  чаастан оронун булуохтаах. 22.00 чаастан кытаанахтык утуйуу олус туһалаах. Ол курдук 22.00-2.00 чааска диэри уһуктубакка утуйдахха, киһи иммунитета бөҕөргүүр эбит. Оччотугар сарсыарда алтаҕа, сэттэҕэ киһи холкутук уһуктар.

Оттон түүн 12.00 чаас саҕана утуйан баран, баҕардар күн да аҥаара утуй, доруобуйаҥ бөҕөргүүрүнээҕэр, айгырыан сөбүн быраастар бэлиэтииллэр. Киһиэхэ хаачыстыбалаах утуйуу наада!