Ааптар хаартыскаларга түһэриитэ
Урицкай олохтоохторо ситэриилээх былаас отчуотун истэн баран, Саха сирэ нэһилиэнньэҕэ отчуоттары көҕүлүүр соҕотох өрөспүүбүлүкэ буоларыгар махтаннылар. СӨ Үп миниистирин бастакы солбуйааччы Иван Алексеев иһитиннэрбитинэн, Саха сиригэр үлэлээбит Владимир Солодов губернатордаах Камчатка эмиэ саҕалаата.
Ситэриилээх былаас 2022 сылга үлэтин отчуотун истэн баран, үгэс курдук, ыйытыылары биэрдилэр.
Урицкайга баар биэлсэр-акушер пуунугар биэлсэрдэрэ суох, оттон нэһилиэнньэ үксэ биэнсийэлээх. Инбэлииккэ тахсар туруктаах дьон докумуоннарын оҥотторо Дьокуускайга барарга күһэллэллэр. Онуоха улуус киинигэр тоҕо анал хамыыһыйа кэлэн үлэлээбэтин ыйыталастылар. Дьон инбэлииккэ тахсарга 3-4 сылы быһа эрэйи көрөрүн эттилэр. Бу боппуруоһу отчуот боротокуолугар киллэрэргэ уонна улуус баһылыга Николай Харбинныын сиһилии үөрэтэргэ эрэннэрдилэр. Бу отчуоттарга сылдьан иһиттэххэ, улуус нэһилиэктэригэр мэдиссиинэ үлэһиттэрэ тиийбэттэр. Уопсайынан, доруобуйа харыстабылыгар сыһыаннаах боппуруос олус элбэх. Онуоха СӨ доруобуйа харыстабылын миниистирин бастакы солбуйааччы Дмитрий Сергин бөлөх састаабыгар киирэн Өлүөхүмэ улууһугар кэлбитэ элбэх боппуруос быһаарылларыгар эрэли үөскэтэр.
Манна быйыл 130 сылын бэлиэтиир оскуолаларыгар өрөмүөҥҥэ наадыйаллар. Онон өрөспүүбүлүкэ тустаах бырагырааматыгар киллэрэргэ көрдөстүлэр.
Түмүккэ, Иван Алексеев Саха АССР 100 сылынан үбүлүөйдээх бэлиэни нэһилиэккэ баһылыктаабыт Владилен Корчагиҥҥа, онтон Николай Харбин улуус Бочуоттаах грамотатын Сардаана Григорьеваҕа туттардылар.
Оробуочай бөлөх ону таһынан акушер-биэлсэр пуунугар, ДЭС ыстаансыйатыгар сырытта.
Социальнай пуонда Саха сирнээҕи салаата иһитиннэрэринэн, биэнсийэни уонна оҕо босуобуйаларын Саҥа дьыл иннинэ эрдэ биэриэхтэрэ. …
Ю.П. Степанов аатынан инбэлииттэри чөлүгэр түһэрэр өрөспүүбүлүкэтээҕи кииҥҥэ 557 байыаннай дьайыы кыттыылааҕа уонна кинилэр дьиэ…
Аны сайын Кэбээйи улууһугар Олоҥхо ыһыаҕа ыытыллар. Ону көрсө Сииттэ оскуолатын таһыгар төрөппүттэр оҕолорун кытта…
Абый улууһун борокуруора оскуолаҕа уруокка эт-хаан эчэйиитин ылбыт оҕоҕо харчынан толуйууну төлөттө. 2014 сыллаахха төрөөбүт…
Сунтаар улууһугар ахсынньы 24 күнүгэр «Абаҕа» спортивнай комплекска хабылыкка уонна хаамыскаҕа 5-11 кылаас үөрэнээччилэригэр күрэхтэһии …
2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…