Инбэлиит дьону көрөр дьоҥҥо төлөбүр үрдээтэ

Бэрэсидьиэн Владимир Путин ыйаах таһааран, инбэлиит оҕолору уонна төрүөхтэриттэн 1-кы группалаах инбэлиит дьону көрөн олорор, ол иһин үлэлээбэт дьоҥҥо бэриллэр ыйдааҕы төлөбүрү үрдэттэ уонна барыларыгар тэҥнээтэ. Бу төлөбүр суумата 10 тыһыынча солкуобайга тэҥнэстэ. Маны тэҥэ, сыл аайы индексацияланар буолла.

Бу иннинэ 10 тыһыынча солкуобай инбэлиит оҕолоох төрөппүттэргэ уонна 1-кы группалаах инбэлииттэргэ уонна үлэлээбэт эппэкииннэргэ эрэ бэриллэр этэ. Инбэлиит оҕолору көрөн, үлэлээбэккэ олорор атын дьон (холобур, аймахтара) 1,2 тыһыынча солкуобайы ылаллара.

Билигин бу төлөбүрү биэрии кэҥээтэ — инбэлиит оҕолору уонна төрүөхтэриттэн 1-кы группалаах инбэлиит дьону көрөр-истэр дьон бары ылар буоллулар.

Бу төлөбүрү биэрии бэрээдэгин РФ бырабыыталыстыбата быһаарар.

Бэрэсидьиэн ыйааҕа 2025 сыл тохсунньу 1 күнүттэн үлэлээн барар диэн «Объясняем.рф» саайт суруйар.