Инбэлиит наадалаах эминэн хааччылынна

Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.

Ситэтэ суох үбүлээһинтэн уонна эмп-томп атыылаһыыны кэмигэр тэрийбэтэхтэриттэн, Дьокуускай куорат борокуратуурата боломуочуйалаах фармацевтическэй тэрилтэҕэ — «СӨ Доруобуйа харыстабылын министиэристибэтин иһинэн үлэлиир Ресурснай киин» судаарыстыбаннай казеннай тэрилтэҕэ этии киллэрбит. Борокуратуура аахтатын көрүү түмүгүнэн, тэрилтэ 6,9 мөл. солкуобай суумалаах «Элосульфаза альфа» диэн эми атыылааһыыга хантараак түһэристэ. Эмп-томп эмтэнээччи сокуоннай бэрэстэбиитэлигэр бэрилиннэ, онон кини бырааба көмүскэннэ. Борокуратуура уорганнара сэдэх (орфаннай) ыарыылаах дьону эминэн-томунан хааччыйыы боппуруостарын мэлдьи хонтуруолга туталлар, диэн СӨ Борокуратуурата иһитиннэрэр.