Инбэлиит оҕолоох төрөппүттэргэ эбии өрөбүл күннэр төлөнөллөр

Балаҕан ыйын 1 күнүттэн инбэлиит оҕолоох төрөппүттэр эбии өрөбүл күннэрин мунньар кыахтаннылар. 

Инбэлиит оҕолоох, үлэлиир төрөппүттэр ыйга эбии 4 төлөнөр өрөбүл күнү ылар бырааптаахтар этэ. Бу өрөбүл күннэрин туһамматахтарына, кэлэр ыйга көспөт, «умайан» хаалар этэ. Оттон билигин бу өрөбүл күннэри туһамматахха да, көһөрөр, 24 күҥҥэ диэри мунньар кыахтаннылар.

Ол эбэтэр, 6 ыйы быһа мунньан баран, 24 күн эбии сынньаныахтарын сөп. Бу күннэрэ үлэ күнүн курдук төлөнөллөр. Маны таһынан, сокуоннай уоппуска күннэрэ төлөнөллөр.