Өрөспүүбүлүкэтээҕи социальнай хааччыйыы кэлим киинэ.
Ахсынньы 19-24 күннэригэр дириэктэр Лена Денисова салалтатынан «Ситим» түмсүү хамаандата ВЭБ.РФ корпорация ыҥырыытынан, Москваҕа Саҥа дьыллааҕы дьаарбаҥкаҕа кытынна. Кинилэри Санкт-Петербурдааҕы «ГАООРДИ» инбэлиит-оҕолор төрөппүттэрин уопсастыбаннай түмсүүлэрэ өйөөтө.
Дьаарбаҥкаҕа оҕолор «АРТ-Ситим» мастарыскыайдарыгар бэйэлэрэ оҥорбут оҥоһуктарын атыылаатылар. Холобур, Саҥа дьыллааҕы ыскаатардары, салпыаккалары, соттордору, харыйа оонньуурдарын, харысхаллары, чүмэчилэри, битэмииннээх чэйдэри, фруктаттан пастилалары, керамикаттан сувенирдары көрдөрдүлэр.
Чысхааны, Хаарчаананы, «Якутяночка» харыйа оонньуурун, түүлээх үтүлүк быһыылаах сувенирдары, таастаах брошьтары, киэргэллэри дьаарбаҥкаҕа кэлбит дьон олус сөбүлээтилэр. Оҕолор олорор сирдэрин уратытын, култууратын көрдөрөр оҥоһуктар ордук болҕомтону тардалларын биллилэр, төрөөбүт дойдуларынан киэн тутуннулар.
Маны тэҥэ, оҕолор Кыһыл болуоссакка, ВДНХ павильоннарыгар, Москва-Сити дьиэлэригэр, Кириэмилгэ, Мавзолейга, ГУМ-ҥа, мусуойдарга, экскурсияларга сырыттылар. Саҥа дьыллааҕы киэргэммит Москваҕа күүлэйдээн, олус астыннылар. Кинилэр олохторугар бу умнуллубат сырыы буолла.
Өрөспүүбүлүкэтээҕи социальнай хааччыйыы кэлим киинэ.
Оҕо эрдэххэ дьаабылыка сыта, мандарин амтана наһаа да минньигэс уонна ураты буолара. Саҥа дьыл үөрүүтүн,…
Сыл – хонук. Номнуо үйэ чиэппэрэ ааһа охсубут. Оттон киэн туттан бүгүн кэпсээри оҥостор киһибит …
Горнай улууһун Одуну нэһилиэгэр айрширскай боруодалаах ынах бастакы ньирэйин төрөппүтүн туһунан "Үлэ күүһэ" хаһыат телеграм-ханаала…
"Сахафильм" киинэ хампаанньата уонна СӨ Национальнай бибилэтиэкэ 10 сахалыы киинэни босхо көрдөрөллөр. "Киинэни ааҕабыт!" аахсыйа…
Саха киинэтэ 1990 сылтан силис-мутук тардар. Бу сыл “Северфильм” киинэ устуудьуйата тэриллибитэ, ол 1992 сыллаахха…
Нейросеть Дьыл Оҕуһун оҥордо диэн ЯкутияDaily иһитиннэрэр: https://t.me/yakutiadaily/45038