Хаартыска: СИА
Владимир Путин байыаннай дьайыыга кытта сылдьан эчэйбит инбэлиит байыастарга биир кэмнээх төлөбүр кээмэйин үрдэттэ.
Сэтинньи 14 күнүгэр РФ Бэрэсидьиэнэ “Кэккэ категориялаах дьоҥҥо эбии социальнай төлөбүр гарантияларын туһунан” ыйааҕар илии баттаабыта.
“Биир кэмнээх төлөбүр кээмэйэ бары категорияларга бойобуой эчэйиилэр байыаннай дьайыы кэмигэр уонна анал сорудаҕы толорор кэмҥэ ылбыт эчэйиилэрин ыараханыттан тутулуктанар”, диэн быһаарда СӨ Бырабыыталыстыбатын бэрэссэдээтэлин солбуйааччы Георгий Степанов бүгүҥҥү брифинҥэ.
Эбии төлөбүрү 2022 сыл олунньу 22 күнүттэн инбэлиит буолууга тириэрдибит ыарахан эчэйиини ылбыт байыастар бары ылыахтара. Биир кэмнээх төлөбүрү «Аҕа дойду көмүскээччилэрэ» судаарыстыбаннай пуонда толуйар. Эчэйии иһин урут киирбит биир кэмнээх төлөбүр учуоттанан төлөнүөҕэ.
Бырабыыталыстыба бэрэссэдээтэлин солбуйааччы байыаннай дьайыы кыттыылаахтарыгар уонна кинилэр дьиэ кэргэттэрин чилиэннэригэр көмө салҕанарын бэлиэтээтэ. Сэтинньи 15 күнүнээҕи туругунан, 150 дьиэ кэргэҥҥэ олорор дьиэни гаастааһыҥҥа, 509 байыаннай сулууспалаахтар төрөппүттэригэр санаторнай-курортнай эмтээһиҥҥэ көмө оҥоһулунна, 371 киһи байыаннай сулууспалаах эмтэнэр сиригэр айанныырга үп-харчы көмөтүн ылла. 894 байыаннай дьайыы кыттыылааҕа уонна 1667 дьиэ кэргэн чилиэнэ доруобуйа харыстабылын уонна социальнай сулууспа тэрилтэлэригэр реабилитацияны ааспыттара. 321 киһи социальнай өҥөнү дьиэҕэ уонна полустационарнай көрүҥүнэн ылбыт. 595 киһиэхэ дьарыктаах буолуу кииннэрэ үлэ буларга көмөлөспүттэр, ол иһигэр 187 байыаннай дьайыы кыттыылааҕа уонна 408 дьиэ кэргэн чилиэннэрэ. Итинтэн 149 киһи идэҕэ үөрэтиини ааспыт, 360 киһи үлэнэн хааччыллыбыт.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…