Хаартыска: Мария Васильева, СИА.
Саха сиригэр кыаммат киһини көрөн олорор дьон ахсаана 10 701 киһиэхэ тэҥнэстэ диэн Социальнай пуонда Саха сиринээҕи салаата иһитиннэрэр. Кинилэргэ төлөбүр төлөнөр, ол эрээри үлэлээбэт уонна биэнсийэни, Дьарыктаах буолуу кииниттэн босуобуйаны ылбат эрэ дьоҥҥо биэрэллэр.
Ол иһигэр, 5835 киһи 1-кы группалаах инбэлиити, кырдьаҕас, кыаммат, 80 сааһын ааспыт киһини көрөн-истэн олорор. Инбэлиит оҕону уонна оҕо эрдэхтэриттэн 1-кы группалаах инбэлиит дьону көрөн олорооччу ахсаана – 4866 киһи.
Төлөбүрү ылар туһуттан сайабылыанньаны “Госуслуги” порталга тус кэбиниэт нөҥүө, эбэтэр, Социальнай пуонда килийиэннэрин сулууспаларыгар баран, биэриэххэ сөп. Кыаммат киһини көрөр-истэр киһи «О назначении ежемесячной компенсационной выплаты неработающему трудоспособному лицу, осуществляющему уход за нетрудоспособным гражданином» диэн сайабылыанньаны суруйар. Оттон көрүүгэ-истиигэ наадыйар киһи «О согласии на осуществление неработающим трудоспособным лицом ухода за нетрудоспособным гражданином» суруйуохтаах.
Эбии докумуоннар ирдэммэттэр, Социальнай пуонда үлэһиттэрэ бэйэлэрэ тустаах сибидиэнньэлэри хомуйаллар.
Төлөбүр көрүүгэ-истиигэ наадыйар киһи биэнсийэтигэр эбилик быһыытынан кэлэр. Кээмэйэ, оҕотуттан-кырдьаҕаһыттан тутулуктанан, араас буолар.
Сиһилии билсэр нүөмэр: 8 800 600-02-98.
Социальнай пуонда Саха сиринээҕи салаатын пресс-сулууспата.
Субуота — Сатурн планета салайар күнэ. Онон бу күн ыксааһыны сөбүлээбэт. Бүгүн саҕаламмыт дьыала уһун…
Ахсынньы 19 күнүгэр сарсыарда Аллараа Бэстээх уонна Төҥүлү икки ардынааҕы суолга дьон өлүүлээх суол быһылаана…
Бүгүн, ахсынньы 29 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
Саха сирин синоптиктарын сабаҕалааһыннарынан бүгүн, ахсынньы 20 күнүгэр хоту хаардыыр, Арктика кытылынан уонна Халымаҕа хаар…
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…