“Арчы Дьиэтэ» духуобунай култуура киинин үлэһиттэрэ аам-даам тымныылаах ахсынньы 1 күнүгэр, Инбэлииттэр күннэрин көрсө «Өрөспүүбүлүкэтээҕи социальнай хааччыйыы кэлим киинэ» тэрилтэҕэ сырыттылар.
Кинилэр доруобуйаларынан хааччахтаах дьон дэкээдэлэрин чэрчитинэн «Айыы тыына» анал тэрээһини ыыттылар.
Тэрээһин алгыс сиэриттэн-туомуттан саҕаланна. Олоҥхо күннэрин чэрчитинэн «Хопто буурай аттаах Хапталдьын баатыр» олоҥхону, быйылгы Ил Дархан бириэмийэтин стипендиата, олоҥхоһут, тойуксут, СӨ култууратьын туйгуна Семен Ильич Черноградскай толордо. Хомус дьүрүскэн тыаһынан тойуксут, хомусчут Галина Самсонова, ылбаҕай ырыаларынан Петр Кычкин, Кыталы Куо киэргэттилэр. Ону сэргэ көрөөччүлэргэ өбүгэ көрдөөх-нардаах оонньууларын ыыттылар.
Бүтүн аан дойдутааҕы фольклор бэстибээлин лауреаттара, “Арчы Дьиэтэ» духуобунай култуура киинин иһинэн үлэлиир «Күн Дьоно” фольклор бөлөҕө (сал. Евдокия Павлова-Далбар Кылыһах) дьиэрэтиилээх түһүлгэнэн, ойуулаах оһуокайынан түмүктээтэ.
Тэрээһини СӨ култууратын туйгуна, «Арчы Дьиэтэ» духуобунай култуура кинин уус -уран салайааччыта Любовь Константинова иилээн-саҕалаан ыытта.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…