Хаартыска: Якутск.рф
Дьокуускайга инбэлииттэр спартакиадаларыгар 230 кыттааччы спорт 11 көрүҥэр күрэхтэһиэҕэ. Куорат аҕа баһылыга Евгений Григорьев иһитиннэрбитинэн, балаҕан ыйын 30 күнүгэр спортивнай тэрээһин аһыллыыта буолла.
«Доруобуйаларыгар хааччахтаах дьон хайдах да кыаммат курдук санаммакка, сөбүлүүр спорт көрүҥнэригэр көхтөөхтүк кытталлара, рекорд олохтоон, кыайыылары ситиһэллэрэ олус кэрэхсэбиллээх! Хас биирдиилэрэ саамай сүрүнү – бэйэни кыайары ситиспиттэрэ», — диэн мээр бэйэтин Telegram ханаалыгар суруйда.
Күрэхтэһии бырагырааматыгар остуол тенниһэ, дуобат, олорон эрэ оонньуур волейбол, бочча, чэпчэки атлетика, шоудаун, голбол, национальнай остуол оонньуулара, бильярд, армрестлинг уонна мини-футбол киирдилэр.
«Кэнники сылларга өрөспүүбүлүкэ киин куоратыгар дьиҥнээх спортивнай хамсааһын буолла. Спортивнай эбийиэктэр уонна спортивнай былаһааккалар тутуллан, саҥардыллан, маассабай тэрээһиннэр, күрэхтэһиилэр ыытыллаллар.
«Сыл аайы куорат олохтоохторо чөл олоҕу, спорду, эт-хаан өттүнэн дьарыктаныыны талаллара элбээн иһэр», — диэн бэлиэтээтэ Григорьев.
Кини этэринэн, кэнники биэс сыл иһигэр Дьокуускайга спордунан дьарыктанар дьон ахсаана 60 тыһыынчанан эбиллэн, 190 тыһыынча киһиэхэ чугаһаата диэн СИА суруйар.
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…