Инбэлииттэргэ, кырдьаҕастарга анал тэриллэри уларсаллар

Share

Саха сирин олохтоохторо — инбэлииттэр, ыарахан ыарыһахтар, кыаммат кырдьаҕастар чөлгө түһэрии тэхиньиичэскэй тэриллэрин (ТСР) босхо ылан туһанар кыахтаахтар. Өрсөпүүбүлүкэҕэ маннык тэриллэри уларсар 8 пуун үлэлиир — Алдан, Амма, Бүлүү, Нерюнгри, Ньурба, Хаҥалас, Чурапчы улуустарыгар уонна Дьокуускайга Өрөспүүбүлүкэтээҕи социальнай хааччыйыы кэлим киинигэр.

Бу маннык тэриллэр кырдьаҕастар, инбэлииттэр уонна кинилэри көрөр-харайар аймахтарын олохторун ччэпчэтэргэ көмөлөһөллөр. Маны тэҥэ, анал байыаннай дьайыы кыттыылаахтара эмиэ пуун өҥөтүнэн туһанар бырааптаахтар.

Пууннарга барыта 30 тус-туспа ааттаах тэрил баар. Саамай элбэхтик адаптационнай ороннору, кириэһилэ-кэлээскилэри, баттыктары, ходуноктары, туалеттыыр кириэһилэлэри уларсаллар.

Бу пууннарга барыта 348 анал тэрил баар, сыллата пуондата эбиллэр, хаҥыыр. Холобур, 2022 сыллаахха Бүлүү, Хаҥалас, Чурапчы пууннарыгар анаан 59 тэрил атыылаһыллыбыта.

2023 сылга Алдан, Нерюнгри, Ньурба, Амма пууннарыгар анаан 149 тэрил ылыллыбыта.

Анал тэриллэри кимнээх уларсыахтарын сөбүй?

— инбэлииттэр (оҕолор эмиэ);

— кыайан хаампат, бэйэлэрин көрүммэт буолбут кырдьаҕастар;

— ыалдьан, быстах кэмҥэ бэйэлэрин көрүммэт буолбут, хаамаллара хааччахтаммыт дьон.

Ханнык докумуоннар наадаларый?

— суругунан сайабылыанньа (килийиэн бэйэтэ, эбэтэр, сокуоннай бэрэстэбиитэлэ суруйар);

— пааспар;

— СНИЛС.

Сиһилии иһитиннэриини 40-21-78 төлөпүөнүнэн билсиэххэ сөп.

Кырдьаҕастар, инбэлииттэр олохторун хаачыстыбатын тупсарыы үлэтэ «Демография» национальнай бырайыак «Аҕам саастаах көлүөнэ» бырайыагын чэрчитинэн ыытыллар.

Recent Posts

  • Сонуннар
  • Уопсастыба

Балаҕан ыйыттан зажигалкалары уонна гаас баллоннарын пааспарынан көрөн эрэ атыылыахтара

Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…

10 часов ago
  • Сонуннар
  • Уопсастыба

Оҕону суруйарга эрдэттэн эрчийиэххэ

Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…

11 часов ago
  • Сонуннар
  • Ыйыт - хоруйдуубут

ЫЙЫТ-ХОРУЙДУУБУТ: Оҕо уһуйааҥҥа сылдьарга үөрэнэригэр хайдах көмөлөһөбүт?

Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…

11 часов ago
  • Сонуннар
  • Сүрүн

Саха сиригэр чоҕу хостуур салаа кэскиллээх

Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…

12 часов ago
  • Сонуннар
  • Уопсастыба

Роспотребнадзор: ОРВИ сезона саҕаланыан иннинэ сэрэтэр дьаһаллары ылыныҥ

Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…

12 часов ago
  • Кыайыы 80 сыла
  • Сонуннар

Үчүгэйиэн, оҕо саас!

…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…

13 часов ago