Индигиир өрүскэ уу түһэр

Суукка иһигэр 3 нэһилиэнньэлээх пууҥҥа 66 дьиэ тиэргэнэ, ол иһигэр 44 олорор дьиэ ууттан босхолонно диэн СӨ ЫБММ иһитиннэрэр.

Өссө 33 дьиэ тиэргэнэ, ол иһигэр икки улуус икки нэһилиэгэр 18 олорор дьиэ уонна «Өймөкөөн» айан суолун биир учаастага ууга олорор.

Өймөкөөн улууһа:

Өймөкөөн сэлиэнньэтэ – 18 тиэргэн, ол иһигэр 17 олорор дьиэ ууга турар.

Абый улууһа:

Кэбэргэнэ сэлиэнньэтэ – 15 тиэргэн, ол иһигэр биир олорор дьиэ ууга олорор.

Арассыыйа ЫБММ-н исписэлиистэрэ Өймөкөөн улууһугар нэһилиэнньэҕэ аадырыстаах көмөнү оҥороллор, гуманитарнай көмөнү тиэйэллэр, кыаммат дьону таһаллар уонна ардах уутун содулларын туораталлар.

«Ардах уутуттан халааннааһын содулуттан тахсыбыт хоромньуну уонна уу ылбыт эбийиэктэрин ааҕар хамыыһыйалар үлэлэрэ салҕанар. Саха сирин территориятыгар эрэгийиэн таһымнаах Ыксаллаах быһыы-майгы эрэсиимэ үлэлиир, ууттан эмсэҕэлээбит нэһилиэктэр олохтоохторун Госуслуги сыһыарыы нөҥүө төлөбүрдэри ылыыга регистрация барар. Бүгүн ууттан эмсэҕэлээбит нэһилиэнньэлээх пууннарга гуманитарнай көмөнү тиэйии уонна оҕолору таһыы былааннанар. Арассыыйа ЫБММ быыһааччылара чөлүгэр түһэрэр үлэлэргэ кыттыһаллар», — диэн Арассыыйа ЫБММ Саха сиринээҕи  Сүрүн управлениетын начаалынньыгын солбуйааччы Александр Никифоров этэр.