экологияны кэтээн көрүүгэ иниспиэксийэ
Бэҕэһээ Индигиир эбэ кытылыгар күүстээх субуотунньук тэрилиннэ. Ол курдук, Арассыыйа күнүн көрсө уонна “Вода России” Бүтүн Арассыыйатааҕы экология аахсыйатыгар кыттан Аллайыаха улууһун Чокуурдаах бөһүөлэгин олохтоохторо – тэрилтэлэр үлэһиттэрэ, биэнсийэлээхтэр, актыбыыстар, эдэр ыччат аһатан-сиэтэн олорор өрүстэрин биэрэгин бөхтөн-сыыстан ыраастаатылар.
СӨ Экологияҕа министиэристибэтин Экологияны судаарыстыбанан кэтээн көрүүгэ иниспиэксийэтэ иһитиннэрбитинэн, уопсайа субуотунньукка 48 киһи кыттыбыт. Кинилэр 60 куб.м. араас көрүҥнээх бөҕү-сыыһы, ол иһигэр тимири хомуйбуттар. Бу көхтөөх үлэ түмүгэр 1,3 км усталаах өрүс кытылын ыраастаабыттар.
Бөһүөлэк олохтооҕо Денисова Надежда Ивановна субуотунньукка саамай бастакы кэлэн, дьону көҕүлээбит уонна тус бэйэтэ 4 куул бөҕү хомуйбут.
Онон эргиччи туһалаах субуотунньук буолла. Ааспыкка Бөрөлөөх нэһилиэгин олохтоохторо бастакынан бу субуотунньукка тахсыбыттарын туһунан суруйбуппут.
Хаартыска: Экологияны судаарыстыбанан кэтээн көрүүгэ иниспиэксийэтэ
Сулустар тугу түстүүллэр? ХОЙ Хой бэлиэлээхтэргэ тыҥааһыннаах, ыксаллаах балаһыанньа үөскүүр куттала улаатар. Үп-харчы өттүгэр дохуоккунороскуоккун…
Бээтинсэ түүнүгэр Дьокуускайга салгын температурата -26...-28 кыраадыска диэри тымныйыаҕа. Күнүс Саха сиринээҕи гидрометеосулууспа кыралаан хаардыырын…
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…