иниспиэксийэ
Бэҕэһээ Балыксыт күнүн Чокуурдаах олохтоохторо сэргэхтик бэлиэтээтилэр. Төһө да ардаабытын, тыаллааҕын, таһырдьа +9 кыраадыс да буоллар, күөгүһүттэр Индигиир эбэлэрин кытылыгар көхтөөхтүк муһуннулар. Ол курдук, күрэхтэһиигэ кыттаары 25 киһи кэллэ.
Күөгүһүттэр күрэхтэһиилэрин А.Д.Лебедев аатынан түмэл уонна Аллайыахатааҕы Экологияны судаарыстыбанан кэтээһиҥҥэ иниспиэксийэтэ тэрийдилэр. Түмэл дириэктэрэ А.Д.Лебедева Балыксыт күнүн бырааһынньыгын историятын сырдатта. Иниспиэксийэ салайааччыта Т.Г.Стрюкова күрэхтэһии быраабылатын билиһиннэрдэ.
Күрэхтэһии түмүгүнэн кимнээх кыайдылар?
— “Саамай элбэх ахсааннаах балыгы бултааччы” номинация кыайыылаҕынан Карпова Наталья Владимировна буолла. Кини 7 устуука күстэҕи хаптарда;
— “Саамай ыарахан ыйааһыннаах (уопсай булдунан)” номинация хаһаайынынан Яныгина Галина Мухамедовна ааттанна (0,515 киилэ);
— “См кээмэйдээтэххэ саамай бөдөҥ экземпляр” номинацияҕа эмиэ Яныгина Галина Мухамедовна аатырда. Кини 27,5 см алыһары хаптарда.
Спонсордар өссө эбии икки номинацияны олохтообуттар. “Саамай уопуттаах балыксыт” ааты Дьячковская Евдокия Макаровна ылла, 4 саастаах Захар Нефедов “Саамай эдэр балыксытынан” ааттанна.
Бары кыайыылаахтар сыаналаах бириистэринэн наҕараадаланнылар. Кыттааччылар үөрэ-көтө сынньаннылар, астынан тарҕастылар.
Хаартыска: Аллайыахатааҕы Экологияны судаарыстыбанан кэтээн көрүүгэ иниспиэксийэтэ ыытта.
Орто Халымаҕа арыгы иһэн баран итирик туруктаах тахсыбыт иирсээн алдьархайга тиэрдибит. Эрин куукуна быһаҕынан өлөрбүт…
Күн уота аҕыйыыр, күн кылгыыр, кириип, сыстыганнаах вирус ыарыытын ахсаана элбиир – кыһын киһиэхэ санаа…
Владимир Балынец дойду паралимпийскай сүүмэрдэммит хамаандатын састаабыгар киирэн, пауэрлифтиҥҥэ аан дойду чөмпүйэнээтин үрүҥ көмүс мэтээлин…
Бу күннэргэ Ньурба олохтооҕо, история учуутала Галина Копылова дьиэтигэр гранат диэн экзотическай фруктаны үүннэрбитин хаартыскалара…
Бырабыыталыстыба бэрэссэдээтэлин солбуйааччы – Бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев ыыппыт Уһук Илин социальнай-экэнэмиичэскэй…
СӨ Ил Дархана РФ Бэрэсидьиэнэ бырабыыталыстыба чилиэттэрин кытта ыыппыт сүбэ мунньаҕар кытынна. Мунньахха суол инфраструктуратын…