«Индигир» ансаамбыл ыалдьыттаата

Өрөспүүбүлүкэтээҕи  Оһуокай түмсүүтэ өрөбүл ахсын араас ис хоһоонноох тэрээһини ыытар. Бэҕэһээҥҥи  оһуокайбытыгар «Индигир» ырыа ансаамбыла кэлэн ыалдьыттаата.

Кэлэр сылга тэриллибиттэрэ сүүрбэ сылын туолар. Ансаамбыл салайааччыта Тамара Николаевна Северьянова. Кини Өймөкөөн улууһун бочуоттаах олохтооҕо.

Быйыл биир дойдулаахтарыгар ис дууһаларыттан ууран көмөлөстүлэр. Сахалыы ырыаны пропагандалааһыҥҥа кыахтарын иһинэн ыллыы сылдьаллар. Кырыалаах кыһыҥҥа хотугу дойдубут, Индигир өрүстэн аһаан, балыктаан, өбүгэ үгэһин тутуһан үлэлии-хамсыы сылдьаллар. Оһуокай түмсүүтүн этээччилэрэ алгыстаах түһүлгэлэринэн кыстыгы этэҥҥэ туоруулларыгар айбыт Айыыларбытыттан көрдөһөн эттилэр. Түһүлгэҕэ Аар Дархан этээччибит Сэмэн Черноградскайы сэргэ эдэр этээччилэрбит Чурапчыттан Елена Яковлева,үтүөлээх этээччи Мария Иванова о.д.а. эттилэр. Хоту дойдубут дьонугар дьулууру,тулууру баҕардылар.

Марта Николаева