«Индийское лето» киинэ бэстибээлэ ыҥырар

Индия Владивостокка баар генеральнай  консульствота  «Лена» киинэ тыйаатырын кытта, СӨ бырабыыталыстыбатын өйөбүлүнэн, Дьокуускай куоракка «Индийское лето» диэн киинэ бэстибээлин ыытыахтара. 

Бэстибээл үөрүүлээх аһыллыыта бэс ыйын 29 күнүгэр  14:30 чаастан  «Лена» киинэ тыйаатырыгар буолуоҕа.

Тэрээһин Саха сирин олохтоохторун  Индия киинэ оҥорооччуларын  кытары билиһиннэрэр сыаллаах ыытыллар.

Бэстибээли   «RRR» («Рядом ревет революция», 2022 с.) киинэ аһыаҕа. Режиссер С. С. Раджамаули.

Онон, Индия киинэтин көрүөн баҕалаахтары барыларын ыҥыраллар. Босхо билиэттэри  киинэ тыйаатырын каассаларыттан уонна   https://cinemalena.com/release/17612?date=2025-06-20 саайтан ылыахха сөп.