Индия посола Арассыыйа туристарын визата суох киллэрэр туһунан иһитиннэрдэ

Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия Арассыыйаҕа посола Винай Кумар РИА-Сонуннарга кэпсээтэ.

Арассыыйа бэрэсидьиэнэ Владимир Путин ахсынньы 4-5 күннэригэр Индия премьер-миниистирэ Нарендра Моди ыҥырыытынан Индияҕа ыалдьыттаан турар. Кэпсэтии түмүгүнэн Арассыыйа уонна Индия 29 холбоһуктаах докумуоҥҥа илии баттаабыттара. Кэпсэтии кэмигэр Моди Индия уонна Арассыыйа сотору кэминэн икки дойду туристическай бөлөхтөрүгэр анаан 30 күннээх визата суох эрэсиими олохтуур туһунан эппитэ.

«Мантан ыла биирдиилээн туристарга уонна туристическай бөлөхтөргө босхо виза биэриэхпит. Бу хардарыта оҥоһуллуоҕа. Бырагыраама олох сотору кэминэн үлэлиэҕэ, баҕар бу сыл бүтүөр да диэри киириэҕэ. Билигин логистикаҕа уонна систиэмэҕэ уларытыыларга сыһыаннаах бэлэмнэнии бара турар «, — диэтэ посол.