Индияҕа Айаал Сивцев чэпчэки атлетикаҕа Гран-при призерунан буолла

Ядрону быраҕыыга Саха сирин спортсмена Айаал Сивцева Индияҕа чэпчэки атлетикаҕа норуоттар икки ардыларынааҕы турнирга Гран-при үрүҥ көмүс мэтээлин ылары ситистэ. Ол туһунан «Триумф» успуорт уораҕайын пресс-киинигэр иһитиннэрдилэр.

Кини утарсааччыларынан араас дойдулартан аҕыс атлет кииристэ. Айаал Сивцев биир дойдулааҕар Денис Гнездиловка эрэ хоттордо. Тэрийээччилэр араас кылаастаах атлеттар ортолоругар күрэхтэһиини ыыттылар.

Саха спортсменын көрдөрүүлэрэ үчүгэй эрээри, Денис Гнездилов коэффициенынан 11 миэтэрэ 36 сантиметр снаряды ырааҕы быраҕан бастакы миэстэни ылла. Оттон Айаал Сивцев 12 миэтэрэҕэ уонна 10 сантиметрга снаряды быраҕыыга иккис буолла.

Салгыы Айаал Сивцев үс нэдиэлэнэн Сочига Арассыыйа сүүмэрдэммит хамаандатын састаабыгар эрчиллэр-үөрэтэр хомуурга айанныаҕа. Кини салгыы күрэхтэһиигэ бэлэмнэниэҕэ.