Андрей Сорокин хаартыскаҕа түһэриитэ, СИА
Ил Дархан Айсен Николаев «Janta Cinema» генеральнай дириэктэрин Шаих Юсуфу уонна хампаанньаны төрүттэспит Савджани Джагешы кытта көрүстэ.
Ыалдьыттар Дьокуускайга «Создано на Дальнем Востоке» норуоттар икки ардыларынааҕы креативнай индустрия пуорумугар кытта кэлбиттэр.
Чуолаан, Индия кыра 50 нэһилиэнньэлээх пуунугар киинэ саалаларын арыйар туһунан «Экстра Синема» хампаанньаны кытта сөбүлэһии ымпыгын-чымпыгын дьүүллэстилэр. Билигин дойду бөдөҥ куораттарын тас өттүгэр киинэ тыйаатырдара суохтарын кэриэтэ буолан, Janta Cinema дьоҕус киинэ тыйаатырдарын тэрийиинэн дьарыктанар.
—-Биһиги технологияларбытын партнердар сэҥээрбиттэр, онон бииргэ үлэлииргэ уонна туһанарга интэриэстээхтэр. Бу бырайыак көмөтүнэн хаачыстыбалаах киинэни Индияҕа киэҥ аудитория көрөр кыахтанарыгар эрэнэбин, — диэтэ Ил Дархан Айсен Николаев көрсүһүү түмүгэр.
Джанта Синема бэрэстэбиитэллэрэ бэлиэтииллэринэн, Индияҕа киинэни кэлэктиибинэн көрөргө наадыйаллар. Онон кинилэр Экстра Синеманы бэйэлэрин эрэ дойдуларыгар буолбакка, салгыы атын ырыынактарга таһаарар санаалаахтар.
Санатан эттэххэ, «Экстра Синема» бырайыак 2024 сыллаахха Национальнай технологическай көҕүлээһин статуһун ылбыта.
Сиһилии https://www.sakha.gov.ru/news/5497 манна киирэн көрүҥ.
СӨ Ил Дарханын уонна Бырабыыталыстыбатын пресс-сулууспата
Андрей Сорокин хаартыскаҕа түһэриитэ, СИА
Бу күн Ый улаатан иһэр кэмэ, Охчут бэлиэтигэр турар. Ол аата, энергиябыт элбээн, саҥаны билиэн-көрүөн…
Бүгүн, ахсынньы 6 күнүгэр, Саха сирин сорох улуустарыгар -8 кыраадыс буолара күүтүллэр диэн УГМС иһитиннэрэр.…
Аҕа дойду Улуу сэриитин кыттыылааҕа Егор Балбахов, анал байыаннай дьайыы кыттыылаахтара Айаал Балбахов, Валентин Кутейкин…
Соторутааҕыта Дьокуускай куорат маҕаһыыннарыгар саҥа, интэриэһинэй бородуукта баар буолла – эноки диэн ааттаах тэллэй. Азия…
СӨ Ил Дархана Айсен Николаев, РФ Оборуонатын миниистирин солбуйааччы Александр Санчигы кытта, РФ Сэбилэниилээх күүстэрин…
Саха сирин үтүөлээх этээччитэ Арыйаана Романовна Михайлова тэрийбит үбүлүөйдээх күрэҕэр Ньурба улууһуттан Маар орто оскуолатыттан…