РИА-сонуннара
Шанхайдааҕы бииргэ үлэлэһии түмсүүтүн саммита быйыл Индияҕа буолар. Индия тас дойдуларга министиэристибэтэ иһитиннэрбитинэн, быйылгы сугулаан бүгүн, от ыйын 4 күнүгэр, видео-сибээһинэн ыытыллыаҕа.
Саммикка Шанхайдааҕы бииргэ үлэлэһии түмсүүтүн дойдуларын салайааччылара кыттыахтара. РФ бэрэсидьиэнэ Владимир Путин эмиэ видео-сибээһинэн кыттыаҕа.
Санатан эттэххэ, бу түмсүүнү 2001 сыллаахха Арассыыйа, Кытай, Казахстан, Таджикистан, Киргизия, Узбекистан тэрийбиттэрэ. Кэлин манна Индия уонна Пакистан киирбиттэрэ. Былырыын Иран уонна Белоруссия чилиэнинэн киирэллэригэр көҥүлү ылбыттара. Быйыл Индия бу саммикка аан бастакытын бэрэссэдээтэллиир.
Маны таһынан саммикка норуоттар икки ардыларынааҕы түмсүүлэр кыттыахтара. Былырыын бу саммит Узбекистаҥҥа буолбута.
Саммикка түмсүү биир сыллаах үлэтин ырытыһыахтара, аан дойдуга буола турар быһыы-майгы эмиэ болҕомто киинигэр туруоҕа, мунньах түмүгүнэн Нью-Делитааҕы декларацияны ылыныахтара.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…